Den e parti di detencion, segun alto comisario interino, Vanessa Tjon-Kock, Cuerpo Policial tin diferente grupo encarga cu esaki na diferente manera. Si wak na e momentonan aki polisnan riba caya, nan tur tin nan instruccionnan y mester mantene nan mes estrictamente na e reglanan aki, pa proteha nan mes. E no ta bay pa proteha nan famia e momento cu nan ta bay cas. Y tambe naturalmente tin e gruponan special cu tambe tin cu haci cierto detencionnan. Ya caba nan procedura y protocolnan tambe ta in place. Kico lo bay pasa den e proximo dianan Segun Tjon-Kock, pa loke ta trata e medidanan di e crisis team, esaki por a ripara berdad cu nan no ta tur a cay den bon tera. Pero un biaha mas tin cu wak e interes general. Esaki si no ta polis, of ta departamento di Salubridad Publico, nos ta den un situacion hopi critico y por ta e no a toca porta di tur hende na Aruba. Pero e ta hopi mas cerca di loke nos mes ta kere. Tin di bisa cu polis ta keda cu e tarea dificil, pasobra e ta keda orden publico. E ta keda tareanan cu ta polis tin cu cera e luga. Ta polis ta esun cu ta bay spreek bo aan e momento ey. Pero nan tin cu keda haci nan trabao. Ta bay tin taskforce in place, cu tambe ta consisti di polis. Tin cu tene cuenta tambe, cu tambe den un organisacion manera Cuerpo Policial, cu hendenan cu por ta vulnerabel. No solamente edad, pero tambe tin cierto situacionnan medico. Tur esaki ta puntonan cu ta tuma e momento cu ta haci cierto decisionnan pa loke ta taskforce, por ehempel.
