Minister Dangui Oduber a splica cu e ta considera Aruba un pionero den mundo na momento cu Aruba a lanza e app “Aruba Health App. E app aki ta hopi importante pa turista unda no solamente nan ta haya e resultado di PCR test dentro di 7 ora, pero e app aki ta percura pa haci e tempo di espera di e turista na airport menos. Tur informacion cu ta relevante pa e turista riba covid-19 na Aruba ta riba e health app tambe. Tambe ta hopi importante cu tin tur informactionnan di Aruba Health App di covid, turistanan por wak tur e establecimentonan cu ta cumpli cu esey. Nan por wak ki seyo e tal establecimento tin.
E controlnan manera conoci cu a wordo haci desde e lansamento di Aruba Health Happiness Code, hopi ta establecimento cu a registra y awor ta sigui e siguiente fase pa duna nan e seyonan cu corespondiente na e cumplimiento cu tin na Aruba Health Happiness Code. Sigur e app aki ta yuda nos tambe pa cu e turistanan, tur e comentario cu nos ta ricibiendo for di e turistanan pa cu e comunicacion aki, ta sumamente positivo. Turistanan ta sumamente agradecido na momento cu nan yega Aruba prome cu nan lanta e siguiente dia, nan ta haya e resultado di test via app, sea ta positivo of negativo. Den e caso aki mayoria di e persona nan cu ta turistanan cu a yega Aruba ta test negativo.
Oduber a sigui bisa cu 11.000 turista a yega Aruba desde un 1 Juli y solamente 14 caso activo tin na e momentonan aki. Nos ta spera cu nos por sigui mantene e curso aki, pero nos ta hopi satisfecho y contento como gobierno con e ta bayendo y ta importante pa nos recuperacion economico. E ta hopi importante pa nos recuperacion di nos turismo pero nos tur tin cu bisa cu na e momento aki nos ta hopi agradecido tambe con e ta bayendo. Oduber a bisa cu e ta spera cu nos por mantene esaki, esaki ta depende naturalmente di comportacion di nos cuidadanonan, diciplina cu nos keda demonstra e controlnan di e taskforce.
