PALM BEACH – The Hilton Aruba Caribbean Resort & Casino recientemente a anuncia cu chef internacional Olivier Falchi lo ta encarga cu tur operacion culinario pa e resort como Chef Ehecutivo.

Naci na Francia, e chef ta trece hunto cu ne un abundancia di experiencia pa Aruba for di top restaurantnan y hotelnan rond mundo. Durante su carera, Falchi a haya e oportunidad pa traha den un variedad di lugarnan culinario, y apreciando influencianan local y cultural di cushina.

Na e curason di su arte tin un tradicion culinario hopi fuerte for di zuid di Francia, e ciudad di Auch, caminda el a nace, cerca di e frontera Spaño. E ta claramente corda riba tremendo cumindanan elabora sirbi na cas, tur anochi di e siman, pa miembronan di famia y amistadnan cu ta congrega y conecta, cu un edicion mas elabora y special riba diadomingo.

Como un chef aspirante hoben trahando un nomber pa su mes den e circulonan culinario, Falchi tabata tin e placer pa traha na hotel y restaurantnan incluyendo establecimentonan top-rated manera Relais Et Chateaux, na Switzerland, Francia, French Polynesia y Argentina.


Combinando su training Frances clasico cu e arte Argentino di uza candela habri den cushina, Falchi a haya su niche culinario, difrutando di reconocimentonan y premionan manera Chef di aña, varios biaha tras di otro, como tambe ganando Best Hotel Restaurant tur caminda cu el a traha, Hotel Sofitel Arroyo na Buenos Aires, Argentina, y Hotel Sofitel Arc de Triomphe, Paris, Francia.

Invita como un chef famoso, el a cushina den festivalnan rond mundo incluyendo Peru, Republica Dominicana, Brazil, Mexico, Spaña, Canada y Colombia.

Ora e pandemia a presenta, e chef a transiciona su mes for di catering na eventonan cu volumen halto, y specialty restaurants pa take out y delivery, desaroyando un tremendo siguimento di foodies, den comfortabilidad di su hogar wardando pa restriccionnan wordo kita. E tambe a regularmente presenta Master Classes riba internet, cual a wordo publica den diferente paisnan bao di su propio brand: La Cuisine d’Olivier.

“Mi a traha hopi mas duro cu nunca durante e pandemia,” e ta comparti cu un gran sentido di triunfo,”cuminda ta un tremendo manera pa cuida humanidad durante temporadanan di crisis. Bo ta duna hende di come, y bo ta haci nan feliz,” e ta agrega.

E noticia di Falchi su versatilidad y excelente talentonan culinario a yega te na Aruba, na unda cu Vasco Baselli, General Manager di Hilton Aruba Caribbean Resort & Casino tabata cla pa tuma tremendo talentonan nobo, den cuadro cu retiro di chef ehecutivo anterior Matt Boland.

E tabata impresiona cu e credencial y cu e combinacion autentico di sabiduria bieu y nobo cu Falchi ta trece den e desaroyo di conceptonan di menu pa restaurant, catering pa eventonan grandi y chikito y celebracionnan inovativo.

“Mi experiencia anterior di isla,” Falchi ta expresa, “tabata na den servicio nacional na mi pais,Francia, den Guadalupe, na unda cu mi a siña prepara cuminda Creole. Esaki sigur ta bay duna hopi fruto na Aruba,” e ta conclui.

Chef Falchi ta miembro di academia culinario na Francia, miembro di Les Toques Blanches Internationales, y miembro di Lucullus, French Chefs of Argentina, e ta un autor di un buki La Cuisine d’Olivier, como tambe un embahador global di cuminda como Catering & Consulting Chef bao di su propio nomber di brand: La Cuisine d’Olivier. 

LEAVE A REPLY

Please enter your comment!
Please enter your name here