One Happy and Safe Marathon a conclui na Palm Beach

0
19

Palm Beach – E di tercer KLM Aruba Marathon anual a wordo duna e luz berde por medio di autoridadnan di Aruba pa un Covid-19 proof race riba 5 y 6 di juni 2021, cu un variedad di careda na mes momento, manera un marathon di 42.2km, Half Marathon di 21.1km y Walk & Run di 10km, diadomingo mainta, 5K Walk & Run, e dia prome.

Aruba’s One Happy & Safe Marathon tabata un evento deportivo unico, cu tur participante vacuna of cu PCR test negativo hunto cu nan. E tabata oficialmente sanciona por medio di AIMS/IAAF, e Asociacion di Marathon y Caredanan di Distancia Internacional, bao maneho di Kees van Muiswinkel, CEO y Fundador di Run in the Sun Foundation Aruba/KLM Aruba Marathon y supervision di federacion di atletanan Arubano, cu medayanan atractivo sperando tur participante na e final, sigui pa un beach parti memorabel.

E Aruba Growth Fund, AGF, tabata representa na e careda por medio di un record di 206 participante di companianan afiliado Botica di Servicio, Op=Op, Laboratorio di Servicio, Kosmetikos, Budget Aruba, y Hilton Aruba Caribbean Resort & Casino, demostrando e Espirit Du Corps di e compania, un spirito comun di entusiasmo, hospitalidad y sosten.

“The Hilton Aruba Caribbean Resort ta contento di por host e KLM Aruba Marathon,” General Manager Vasco Baselli ta bisa, “ta sinti bon di por core atrobe den un evento publico, despues di varios luna di restriccionnan di Covid19. Pabien na Kees y su team na a pone un evento fantastico den otro cu e precaucionnan y proceduranan apropia na nan luga.”

E curso di KLM Aruba Marathon a ilustra e bunitesa di e isla, coriendo na Palm Beach te cu California Lighthouse, despues zuid bay Eagle Beach.

Participantenan di tur parti di mundo por a disfruta di e tempo excelente y tremendo organisacion, riba e nivel mas halto internacionalmente, hopi di nan cu a bini akinan cu miembronan di famia pa un ‘runcation.’

Hilton Aruba Caribbean Resort hunto cu Aruba Tourism Authority a host e evento, cual tambe a ricibi sosten di varios sponsor local como tambe internacional.

E KLM Aruba Marathon Free App, cual a inclui un Track & Trace feature cu a yuda cu e resultadonan:
E KLM Aruba Marathon su ganador, Juan Valencia, 2:48:48; Hilton Aruba Half Marathon su ganador, John Poray 1:15:57; Chill 10K Walk & Run Jethro St Fleir 34:14; y Cavalier Logistics 5KM Walk & Run Andre Angela 17:02.

Pa resultadonan completo bishita:
https://results.sporthive.com/events/6787226463003520768

LEAVE A REPLY

Please enter your comment!
Please enter your name here