Un feliz dia bendiciona y cu Dios brasa boso cu Su amor y paz.
Ni tampoco hende lo no por bisa: ”Ate aki!” of ”Ate aya!”, pasobra Mira, reino di Dios ta meymey di boso! (Lucas 17, 21)
Sin sabiduria divino, e versiculo aki ta dificil of imposibel pa comprende. Nos como sernan humano ta custuma di interpreta y of compronde cosnan den e esfera cu nos ta relaciona y reacciona un cu otro. Pero e reino di Dios, ta divino pues nos mester e inteligencia cual Dios
por duna nos pa yega na compronde. E sabiduria aki tin un spirito inteligente y Santo y ta goberna tur cos bon bon. Pa e por drenta den nos, nos mester ta hendenan santo (Sab. 7,27) y
asina agrada Dios. Pues en bes di busca e reino di Dios, ta miho nos busca pa biba un bida santo prome. Bibando asina nos por biba y experiencia e reino di Dios na tur momento, paso ta meymey di nos mes e reino ta y disfruta tur locual E ta regala nos.
Oracion: Tata Santo, regala cada un di nos gracia, virtudnan y donnan segun Bo boluntad pa sabiduria divino penetra den nos y asina nos agrado Bo. Amen
