Dialuna 13 di September pa 6 or di atardi tur deboto cu a Consagra y ricibi e Scapulario di Sagrado Curason di Hesus y Inmaculada Curason di Maria ta keda invita pa bin resa e Santo Rosario na e Monumento na Santa Cruz.  Laga pueblo uni pa nos resa pa nos Aruba cu ta pasando den temporada di otro pandemia cu ta efecta awo nos hobennan. 

Abo por ta e portador di e virus, sin cu bo sa. Den e forma aki hopi a worde contagia. Nos a perde hopi di nos grandinan. Tristo ta cu nos no haya contact cu nan prome cu nan a bay pa eternidad. Cuanto deseo nan lo tabatin pa papia  cu famianan, nan a dedicacion na nan kerinan, hopi a pasa den agonia pisa. Ban Resa awo pa sociego di nan alma, pa nan haya misericordia den nan bida spiritual.

Pa cada misterio cu nos resa nos ta corda y mencionanan. Bin pa resa pa e aña escolar nobo cu ta cuminsa siman pasa. Cambio drastico riba mundo henter.

Na otro parti di mundo ainda Mama Maria ta haci aparicion, no solamente na mucha, pero na hende grandi y ta pidi pa hiba e mensahe pa tur hende, y tambe e ta bisa cu Su Yiu Hesus ta sufri pa picanan di esnan cu no ta reconoce cu Hesus ta Yiu di Dios.  Resa e Santo Rosario tur dia, e ta meditacion riba Santa Scitura, No mester algo di perde tempo, alcontrario e ta enrikesa bo bida spiritual. 

Dios bendiciona nos pueblo.

Comision di Inmaculada Curason di Maria: 

Manuel de Vargem  595 7331

Pastoor Jairo Maduro  585 8110

LEAVE A REPLY

Please enter your comment!
Please enter your name here