Nos Dios ta Todopoderoso, esey tur hende ta bisa, awel awor nos ta bay wak unda nos ta para:
Bo ta bisa cu Dios ta Todopoderoso, of bo ta kere cu Dios ta Todopoderoso, pasobra entre bisa y kere tin un distancia, entre bo curason y bo boca.Bo mester kere den bo curason pa bo confesa cu bo boca.
Den Marco 11:24 Hesus ta bisa lo siguiente:Pesey mi ta bisa boso tur loke boso pidi, ora boso ta haci oracion, kere cu boso ta ricibie y e lo bira di boso.
Den mateo 18:19-20 Hesus ta bolbe papia y bisa: Atrobe mi ta bisa boso,cu si riba tera,dos di boso bay di acuerdo tocante cualkier cos, cu nan pidi,esaki lo wordo haci pa nan door di mi Tata cu ta den cielo.Pasobra caminda dos of tres reuni den Mi nomber, ey lo Mi ta meymey di nan.
1 Juan 5:13 ta confirma nos tur lo siguiente: E cosnan aki mi ta scirbi boso cu ta kere den e nomber di e Yiu di Dios,pa boso por sa cu boso tin bida eterno.
Y esaki ta e confiansa cu nos tin Su dilanti,cu si nos pidi cualkier cos, conforme Su boluntad, E ta tende nos.Y si nos sa cu E ta tende nos,den tur loke nos pidi,nos sa cu nos tin e peticion cu nos tin den dje.
Salmo 103:3 ta bisa : Kende ta pordona tur bo inikidadnan, Kende ta cura tur bo malesanan.
Awor nos ta tende cu adiccion a wordo reconoci como malesa, awel e tin cu bini riba e lista di Sanacion di nos Dios Todopoderoso.
Adiccion tambe ta den e herida nan di Cristo Hesus.Pasobra e palabra di Dios ta bisa den Isaias 53:5 cu den Su heridanan nos ta cura.
Tur clase di adiccion ta scuridad diabolico, cual hende ta cay aden y mester di yudansa di Dios pa nan sali.
Tur hende cu a tuma Dios na serio, pa nan sali for di adiccion, awe ta liber di adiccion, y esey nos tin hopi prueba di esey.
Adiccion ta kibra hende su dominio propio, ta gara nan spirito y pone nan obedece maldad, asina locual ta para scirbi den Juan 10:10 ta sosode poco, poco.
Bijbel ta duna versiculo firme cu tin mas poder cu adiccion, cu ta vence adiccion, manera: Juan 8:36. Romanonan 6:14,Salmo 34:17, Galationan 5:1, Santiago 4:7, Salmo 107:14, Colosensenan 1:13 ,1 Pedro 5:8-9, Lucas 10:19, Judas 1;24. Mateo 11:28.
Tur hende cu ta den adiccion mester reconoce Cristo Hesus como nan Senjor y Salbador, pa asina Mateo 11:28 bira realidad den nan bida.
Un hende cu stima su prohimo, ta recomende e Bon caminda, no tin asunto di religiosidad ta asunto di salba su alma y salba su bida.
Ta ken por tin goso di mira asina tanto hoben mucha homber of mucha muher atardi ora solo baha sali caya hambra buscando droga y alcohol, inmoralidad.
Ta ken por ta contento di mira tanto famia kibra, matrimonio destrui, muchanan sera, mayornan den tristesa y dolor e te ainda no habri wowo y mira cu nan tin mester di Cristo Hesus.
Mescos cu den asunto di salud mental tin versiculonan den Bijbel cu tey pa yuda y sana salud mental:
Filipensenan 4:5, Juan 14:27, 1 Pedro 5:7, Isaias 41:10, 2 Corintionan 10:5, 1 Juan 4:15.
Tur caminda e man di Dios tey pa yuda, y nos ta Su sirbidido, den Su servicio, pa haci e obranan cu E a encarga nos ( Efesionan 2:10).
Awe mas cu nunca laga nos lanta un Oracion Nacional, Dios tey.
Sinceramente, Pastor Marcel Balootje.
