Recientemente Kustwacht a raporta riba e botoi “Awacati” cu dia 8 di juli wordo gara cu un persona ilegal. Tambe ta asina cu diamars ultimo, dia 4 juli un otro boto di Aruba a wordo gara cu persona ilegal abordo. E biaha aki tabata riba e boto “Materialista”. Durante control di Kustwacht tabata dificil pa por controla cierto documento y cu un yamada super rapido pa DIMAS, a bin haya sa cu e permiso di e persona ey a caduca. Kustwacht a entrega e persona na Warda Nos Costa cu lo keda encarga cu e demas proceso.
Den ambos caso, di dia 8 y 14 di juli tabata trata di boto local, unda uno tabata un persona cu tabata enbusca di asilo y su peticion pa asilo a wordo rechasa, y e otro su permiso pa permanece na Aruba a caduca. Kustwacht lo keda pone atencion riba tur actividad ilegal den awanan di e 6 islanan di Caribe Hulandes.
