Varios compania di gym na Aruba ta desapunta den e trato cu nan ta hayando di Crisisteam, riba loke a bini ta sosodiendo. Segun por compronde, cu DVG lo a haya un gym cu no ta cumpliendo cu reglanan di protocol estableci. Sinembargo, otro companianan di gym si ta cumpli. Enbes di castiga esun cu no ta cumpli, Crisisteam sin ningun hustificacion a dicidi cu ta laga cera tur gym, sin sa e daño cu nan ta causa na e propio deportista, como tambe na e compania.
Durante reunion di parlamento dialuna atardi, Parlamentario Rocco Tjon a trece e punto aki dilanti, unda a haci varios pregunta skerpi na Crisisteam, riba e punto aki.
Pues, e conclucion cu por saca for di esaki ta cu maske cu 40 otro gym ta cumpli cu protocol, dor cu a haya un gym cu no ta cumpli, of cu a signala un brote na un gym, a bira castiga tur otro.
