Tabata den fin di siman cu Toko a publica un noticia, cu Trudy Hassel tin un relacion amoroso cu Blauw Quandt y como tal a acudi na KIA diabierna utlimo pa buske, ora e sali liber.
E noticia no a cay den bon tera serca Trudy Hassel, kende a bisa di lo tuma pasonan legal pa e acusacionnan cual ta atacha su integridad.
Den fin di siman, Trudy lo a manda un e-mail fuerte pa e corant, unda ta exigi nan un rectificacion. E contesta di Toko ta cu e lo no rectifica y ta laga su noticia manera e ta. Ademas ta invita Sra. Hassel pa hibe corte, si e ta desea.
Pues, awor palabra ta bek na Trudy Hassel pa asina dicidi kico e ta bay haci, sea e ta accepta e publicacion of e ta cuminza un demanda na corte pa rectificacion.
E hecho cu Sra. Hassel a acudi na Kia pa asina busca Blauw Quandt, no a cay den bon tera den comunidad. Comunidad no a haya esaki algo corecto cu un hefe di polis mester haci.
