Parlamentario Endy Croes: Caso Schotte vs Paul; Ministerio di Aruba por tuma “Bijles” di Ministerio Publico di Corsow

0
127

Parlamentario Endy Croes ta transmiti e mensahe di Pueblo cual a manifesta su mes durante fin di siman bastante fuerte. Unda cu nos a lora durante weekend nos como Parlamentario a wordo ataka cu e hecho cu e persepcion den pueblo ta biba fuerte cu Ministerio Publico di Aruba ta “manca”. Segun pueblo sea Ministerio Publico di Aruba ta tapa cos y ta proteha e “bandidonan” di AVP of sea cu enrealidad nan ta “manca”. Nos lo usa e palabra “manca” pa tenele nechi. Parlamentario Endy Croes ta trata na faha cu pueblo pidiendo pueblo extra comprension y extra pasenshi pa e trabou dificil di Ministerio Publico cual sigur no ta uno facil.

Pueblo comparando Caso di Gerrit Schotte vs esun di Paul Croes:

Gerrit Schotte un politico y ex Promer Minister di Corsow a recobra su libertad diabierna ultimo y esaki a lanta sentimento mesora den pueblo di Aruba pa cu casonan di corupcion di politiconan di AVP cu ta andando. Gerrit Schotte a wordo sentencia na Corsow den Eerste Aanleg pa corupcion dia 11 di maart 2016 ( Valsheid in geschrifte y Ambtelijke corruptie). Gerrit Schotte no keda satisfecho y a apela su caso di cual e sentencia den Hoger Beroep di 21 di Juli 2017 di 3 Hues no tabata diferente cu esun promer y a mantene 3 aña di prison. Gerrit Schotte a bay casacion consultando cu ( 5 Hues na Hulanda) y aki tambe dia 27 di November 2018 huesnan a mantene un castigo di 3 aña di prison significando cu e castigo di prison a bira irrevocable. Time table di e caso aki desde Maart 2016 ( vonnis den Eerste Aanleg) pa cu e sentencia den Hoger Beroep ( Juli 2017) a transcuri 1 aña y 4 luna. Desde sentencia di Hoge Beroep ( Juli 2017) pa e sentencia di Cassatie ( November 2018) a transcuri un otro aña y 4 luna. Comparando e caso aki cu esun di Paul Croes ex minister di AVP. Paul Croes su promer sentencia den Eerste Aanleg tabata Februari 2019 unda el ricibi un condena di 4 aña di prison y 10 aña di no por aparese riba ningun lista politico. Paul Croes a hasi uso di su derecho y a bay Hoge Beroep unda te cu awe no tin klaridad di Ministerio Publico y a transcuri caba 1 aña y 8 luna sin cu e caso a wordo trata den Hoger Beroep. Ainda despues di Hoger Beroep Paul Croes por bay Cassatie na Hulanda.

Pueblo ta hostina riba e procedeer di Ministerio Publico:

Pueblo ta reclama riba e procedeer di Ministerio Publico y ta compara e rapidez di casonan di corupcion di politiconan na Corsow cu esnan na Aruba. Pueblo ta conclui cu na Corswo esakinan ta cana hopi mas rapido.Tin pendiente actualmente na Aruba caso IBIS ( Hoger Beroep) di Paul Croes ex Minister di AVP, tin pendiente caso di corupcion di mas grandi den siglo esta caso AVESTRUZ di Benny Sevinger ex minister di AVP hunto cu Leocita di Canal 90 y un gang basta grandi, tin pendiente caso WASMACHINE di Mike Eman ex Promer Minister di pais Aruba y Lider di AVP y asina por sigui menciona casonan di fraude y corupcion di politiconan di AVP cu ta canando den “slow motion”. Esaki tin pueblo precupa. Segun pueblo Ministerio Publico di Corsow por duna “bijles” na Ministerio Publico di Aruba. Parlamentario Croes solamente ta transmiti e “dolor” y precupacion di un mayoria hopi grandi di pueblo ya cu esaki ta hopi notable. Parlamentarionan ta wordo ataka tur dia den tur skina na Aruba cu e precupacion aki. Aunke Parlamentarionan ta keda pidi pueblo pa carga pasenshi esaki ya no ta funcionando mas. Pueblo mes ta remarca hasta cuando Ministerio Publico?

LEAVE A REPLY

Please enter your comment!
Please enter your name here