Parlamentario Endy Croes ta elabora riba un peticion cu ta wordo entrega e siman aki alrespecto e nota scirbi na man di Reina Beatrix data di aña 1983 e aña cu Aruba a logra su Status Aparte y mesun anja cu Betico a wordo tira.
Casa Real a laga hasi un investigacion
Na final di 2022 despues cu Minister Presidente Mark Rutte 19 di december 2022 a pidi un disculpa publico pa e rol di Hulanda pa cu e slavernijverleden, Koning Willem Alexander mesora a ordena pa laga hasi un investigacion di e rol di Cas Real den e historia di Slavernij y Kolonialisme. Professor Dr. Gert Oostindie a dirigi e investigacion y hunto cu 60 onderzoekers profesional realisa esaki. Koning Willem Alexander mientrastanto 1 di juli 2023 tambe a pidi un disculpa publico pa cu slavernijverleden kedando enespera di e resultado di e investigacion. E investigadornan pa prome biaha den historia a haya acceso na tur e archievonan di Cas Real. Dia 2 di October 2026 nan a entrega 5 boeki cu e contenido di e resultado di nan investigacion. Lokual a hala atencion cu nan a haya “honderden notas” skirbi na man pa Reina Beatriz y nomber di Betico Croes ta aparese den varios di e notanan di entre otro di aña 1983.
Nota skirbi na man pa Reina Beatrix:
Reina Beatrix a skirbi entre otro: Status Aparte ta fataal pa Aruba. Tambe Reina Beatrix a skirbi e siguiente notanan; Waarom moet Betico zoveel schade doen. Daarop ingaan? Tijd winnen! Hij zal eens wegvallen. Dat Afwachten! Pues kico Reina Beatrix kiermeen cu “Hij zal eens wegvallen? Un Betico yena cu energia den su edad di 40 aña e tempo aya. Nos no kier ni pensa mes cu Hulanda tabata participe den un complot pa “elimina” Betico. E nota aki cu awor a bira publico a comociona e juinan di Betico imensamente y tin un impacto grandi riba nan y henter famia y mas cu klaro henter e comunidad cu a biba e lucha. Pesey MEP ta entrega un peticion dialuna awor pa un Reunion Publico pa debati riba e expresion y nota di Reina Beatrix y tuma un standpunt como Pais alrespecto esaki buskando claridad kico precies Reina Beatrix tabata kiermeen cu lokual el a scirbi. Pueblo merece un aclareacion y e berdad mester sali na kla!
