Un dia tristo y scur pa Aruba unda cu e fecha di 10 di maart 2022 lo keda marca pa Pais Aruba. Den cas di pueblo cu ta parlamento tabata e oportunidad cu parlamento tabatin pa por a ancra den nos constitucion e ley di Ombudsman cu a vota unanime september 2020 pe. Un ley di iniciativa di sra. Zullay van Poppel-Marquez entrega na 2005 cu a cana un caminda largo pa por a bira realidad.
Pa cu e ley di Ombudsman for di introduccion di crisis plan, e intencion tawata pa completa e trayecto cu introduccion di Ombudsman y tambe kinder ombudsman pa atende cu casonan di abuso ariba nos pais. E Ombudsman ta un persona A politico, y no partidista cu tin di traha na bienestar di pueblo y percura pa sali na nan defensa cu si gobierno ta trapa riba nan derechonan.
Un aspecto cu sigur e pueblo di Aruba a pidi pe ta e aspecto di abuso di mucha, violencia domestico cu desde implementacion di crisis plan na 2017 kier a conoce un Kinderombudsman. Si awe 21 parlamentario lo por a hancra esaki den ley e proceso lo culmina pero a tuma nota cu politikeria a vence sentido comun. Color partidista a vence logica y pesey tawata un dia scur pa pais Aruba.
Oposicion a vota contra henter e concepto di ley como cu amienda number 6 cu AVP a entrega, cu ta papia di 2/3 parti di 21 voto pa por kita un Ombudsman no a haya sosten den sala. Ningun pais den Reino Hulandes, ni Hulanda, Corsou, Sint Maarten no tin e 2/3 parti aki den e ley pa por kita un Ombudsman, tin mester di e mayoria pa por kita un Ombudsman despues di a scucha conseho di Raad van Advies y despues cu e Ombudsman mes defende su mes den un reunion publico den Staten.
Pa nombra un Ombudsman si tin mester di un 2/3 parti di 21 voto despues cu e candidato pa Ombudsman wordo propone pa Raad van Advies, Algemene Rekenkamer y Hof van Justitie. Esaki ta significa cu e Ombudsman riba su mes ta encamina un proceso transparente, y imparsial.
Tin di remarca cu 19 biaha parlamento a bini hunto cu miembronan di tur fraccion cu ta den comision di Ombudsman, pa asina cada uno por duna nan acuerdo o desacuerdo ariba e concepto di ley. Tur miembro a bai di acuerdo pa awe den sala vota contra.
E movecionnan politico partidista y sin logica nan aki ta inhusto pa e pueblo di Aruba y awe atrobe ta stroba pa por a culmina un proceso pa instala un Ombudsman y Kinderombudsman pa yuda nos den e lucha contra abuso y inhusticia. Parlamento di Aruba por a mustra grandesa y por a hancra e ley aki den nos constitucion pa duna tur esnan cu ta sinti cu nan no ta wordo scucha suficiente pa gobierno un caminda pa cana y un voz cu nan tabata anhela pe for di basta tempo.
Pero fraccion di AVP, MAS y Accion 21 den parlamento a scoge pa laga nan na caya y tranca un ley cu Aruba tabatin mester pa por a continua cu mehoracion den e aspectonan menciona.
