Minister Rocco Tjon y su ekipo haciendo un tremendo trabao pa atende cu urgencianan di Aruba!
Dialuna ultimo, Minister Rocco Tjon a haci e anuncio wak di un tremendo upgrade y inversion cu a tuma lugar na e departamento di Brandweer. Minister Tjon a anuncia esaki atraves di un conferencia di prensa y a informa den detayes den kico y pakico e inversion aki tabata urgente y necesario pa e cuerpo di Brandweer. Esaki sigur ta un logro grandi pa pueblo di Aruba mirando e importancia di Brandweer den nos comunidad y e trabao peligroso cu hopi biaha nan tin di desplega. Ta pa e motibo aki ta asina importante pa Brandweer tin tur su ekiponan den bon condicion, pa asina garantisa siguridad di pueblo y di nan mes.
Puntonan di Inversion
- Ministerraad a aproba e restante di 2.2 miyon cu mester pa e compra di 6 truck di brandweer nobo;
- A haci un renobacion di e post na San Nicolaas;
- Bluspak, laars, handschoen y helm nobo;
- Uniform nobo;
- Opleiding pa manschap B cu a cuminsa caba;
- Opleiding Bevelvoerder ta cuminsa Augustus 2022;
- Tambe a renoba e Alarm Centrale completamente.
Tambe minister Rocco Tjon a invita e companianan Mericano pa bin duna cursonan na Brandweer, tocante e uso di e materialnan nobo cu a cumpra entre otro. E personal di Brandweer y nan sindicato a keda masha contento mes cu tur esaki. Awor Brandweer ta conta cu trucknan y materialnan nobo y adecua, pa asina por combati y enfrenta cualkier reto cu nan por haya nan mes den dje. Ademas cu e entrenamiento cu nan a haya y opleiding cu nan ta siguiendo e staff y personal completo ta mas cu capacita pa traha cu tur esakinan.
Un pabien grandi na e personal di Brandweer completo cu boso ekiponan y materialnan nobo, sindicatonan cu semper a colabora hopi bon mes cu e proceso aki, y na Minister Rocco Tjon y su ekipo cu a haci un tremendo inversion y trabao pa e departamento di Brandweer. Masha pabien Aruba! Un Brandweer renoba, reforsa y ekipa kiermen un Aruba mas sigur!
Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!
