Partido Mep a tuma nota cu Parlamentario Ryçond Santo do Nacimento un biaha mas a demostra sigur un falta di etica enorme ora cu sin ningun escrupulo a sa di pone nomber di un persona A– politico y den caso aki di e directora di Censo publicamente den prensa, cu e unico meta pa ataca Prome Minister di Aruba señora Evelyn Wever-Croes. Nos di Partido MEP ta lamenta esaki totalmente y sigur den bista di e preparacion academico di señor Ryçond Santos do Nacimenmto a spera mas miho di su persona pero mas bien su persona awor kier coy e rol di ex Parlamentario pa Fraccion di AVP, esta señor Melvin Tromp.

Parlamentario Ryçond Santos do Nacimento, e Melvin Tromp nobo di AVP

Pueblo di Aruba a demostra caba cu e tipo di politiconan manera señor Melvin Tromp no mag bin mas den cas di pueblo y unda cu pa dos elecion consecutivo esaki a ser demostra caba. Pueblo kier un Parlamento riba nivel, unda ta cansa di atakenan personal sin ningun base y pueblo ta cansa di e falta di respet cu tin na gobernantenan y awo a bira pio a bay hasta pa ataca directornan. Ora cu pueblo a kere cu entrada di señor Rycond Santo do Naciemento den Parlamento, esaki lo sigui engrandece e instituto, ata pueblo a haya un Donkey Rehuveneci, pues unda cu partido AVP ta formando nan Melvin Tromp nobo den persona di señor Rycond Santos do Nacimento. Nos di partido MEP ta lamenta cu señor Rycond Santos do Nacimento den su ansha pa poder y sigur desperacion politico hunto cu su partido AVP, ta tribi di bay asina baho di hinca diretornan den arena politico.

Parlamentario Ryçond Santos do Nacimento, e profeta falso yena di palabra bunita di integridad

Pa straño cu e por zona, ta e mesun parlamentario aki cu dia 25 october 2021 a hiba palabra y pidi pa eleva nivel di integridad y sigur unda hunto por haci mas, mientras cu awe su persona t’esun cu ta faltando integridad. Su persona mester sa bon cu den politica tin etica y sigur un di nan ta pa no involucra hendenan cu no ta den politica. Nos di MEP a pensa cu locual sr Rycond Santos do Nacimento a expresa den e reunion di integridad, su persona tabatin e intencion berdadero, pero na final el a keda na palabranan bunita so y awo pueblo mes por wak ki tipo di politico señor Ryçond Santos do Nacimento a opta pa ta y na ki nivel e por yega tambe riba instruccion di su partido.

Pa termina nos di partido MEP ta lamenta y sigur nos ta pidi di aki caba na señor Ryçond Santos do Nacimento pa publicamente pidi un disculpa na e directora di Censo pa a mal uza su nomber pa asina por ataca Prome Minister di Aruba señora Evelyn Wever-Croes sin ningun base. Y sigur e disculpa aki lo kita e duda tambe si enberdad partido AVP ta trahando e “Donkey Rehuveneci” cu den e 4 añanan lo tin e tarea di insulta y lastra tur hende basta cu ataca e Prome Minister di Aruba.

LEAVE A REPLY

Please enter your comment!
Please enter your name here