E proyeccionnan negativo di organisacionnan internacional manera IMF y Banco Central di Corsou y Sint Maarten ta lanta un alarma serio pa e futuro economico di Aruba. Parlamentario di MEP, drs. Shailiny Tromp-Lee, a resalta e preocupacion aki durante un encuentro publico, enfatisando e posibel impacto riba turismo, werkgelegenheid, y e costo di bida pa e ciudadano comun.
Tromp-Lee a urgi gobierno pa no keda man crusa y cuminsa prepara pa e shocknan cu por bin. El a puntra specificamente riba e posibilidad di stimula produccion local y crea un fondo di emergencia social, similar na e tempo di COVID-19. Tambe el a mustra interes den un colaboracion mas estrecho cu sector priva, incluyendo AHATA, CUA, y ATIA, pa mitiga e posibel caida den turismo y mantene e costo di bida stabil. E parlamentario ta boga pa un plan di contingencia concreto pa atende e desafionan economico venidero.
