Promer Minister di Hulanda Sr. Mark Rutte a haya un carta cayente di Parlamentonan di Curacao, Aruba y Sint Maarten.
E carta ta splica e desapunto cu tin na Curacao, Aruba y Sint Maarten, pa un trato diferente cu Gobierno di Hulanda ta dunando e habitantenan di e islanan y nan respectivo Gobierno.
E carta a referi na e hecho cu Rutte mes a declara na Hulanda, cu ne momentonan aki no por tuma medida na Hulanda, envista di pandemia. Pero otro banda di lama, na e otro habitantenan di mes un Reino Hulandes, si ta cla pa impone entiteit como tambe un cantidad di medidanan severo cu lo bay empeora e situacion y empobrece e pueblo.
E carta a termina cu un peticion na Gobierno Hulandes, pa pone e carta pa wordo trata den Conseho di Gobierno di Hulanda y di Reino y pa duna un contesta: Sea ta cambia e entiteit den algo unda cu berdaderamente por yega consensus of permiti e islanan pa busca fiansa/alternativa otro parti.
