Den un ambiente di alegria y satisfaccion, Fundacion Dominicana Arubanse Juan Pablo Duarte a organisa e entrega oficial di certificadonan pa e participantenan cu a completa exitosamente e curso di Ingles nivel Basico I. E logro aki ta marca un paso fundamental den e desaroyo personal y profesional di e cursistanan, kendenan awo tin miho herment pa comunica efectivamente.
Durante e ceremonia di clausura, a keda bisto e orguyo y e felicidad di cada un di e participantenan na momento di ricibi nan certificado. Manera por a aprecia riba e potretnan di e ocasion, e caranan di felicidad y e sonrisanan tabata demostra e gran balor cu e entrenamento aki tin pa nan futuro, reflehando e ambiente positivo y di compañerismo cu a reina durante henter e trayecto di e curso.
Fundacion Dominicana Arubanse Juan Pablo Duarte ta resalta cu e tipo di cursonan aki tin como meta primordial pa duna e comunidad e oportunidad di capacita su mes, facilitando asina un miho integracion y habriendo portanan den e mercado laboral local, caminda e idioma Ingles ta hunga un papel crucial. E directiva a gradici tur e participantenan pa nan dedicacion y disciplina, y a reitera su compromiso pa sigui ofrece proyectonan educativo cu ta enrikese e pueblo y ta fomenta progreso pa tur.
