Oracion nunca ta di mas, oracion semper ta un bendicion, pasobra oracion tin poder riba tur cos, riba placa, malesa, bruheria, manipulacion, amargura, stress, depresion, oracion ta e solucion.
Tur mayor ta responsabel pa haci oracion pa nan yiunan, pasobra esey ta un mandato di Dios pa cubri nos yiunan bao di oracion.
Ora nos pone nos yuinan den oracion, Dios mes lo cuida nan, pasobra Dios ta mira caminda nos no ta mira, y Dios sa locual nos no sa.Pesey cu confiansa den Dios cada mayor mester entrega nan yiu na Dios, y stop di biba e bida di video call cada rato pa wak kico e mucha ta haci of na unda e mucha ta.
Nos ta biba den un tempo moderno y trabahoso, caminda hopi cos cu ta mustra bunita , ta carga destruccion hunto cu nan,
Si nos corda con e historia di Noe ta bisa nos cu di tur e hendenan cu tabata riba mundo ta solamente Noe cu su famia a scapa di e diluvio, aunke Noe a predica pa casi cien anja toch hende no kier a tende, esey ta pusha nos pa haci oracion pa nos yiunan , pa nan scucha e palabra di Dios y entrega nan bida na Cristo Hesus.
Despues nos tur sa con Dios a saca e hudiwnan for di Egypto con nan tabata haci oracion, pero ora nan nan tabata den desierto nan tabata murmura, cu for di casi dos miyon hende ta solamente dos a drenta e tera priminti , esey ta urgi nos como mayor pa sinja nos yiunan haci oracion y mantene fe den Dios..
Mas ainda ora nos corda e historia di Sodoma y Gommora, caminda maldad tabata abunda mescos cu mundo ta awendia. Cuater hende e angelnan a ranca na nan man saca nan for di cuidad, y na caminda e casa di Lot a wak atras, pa motibo di cosnan cu e tin cu laga atras, nos mester haci oracion pa nos yuinan pa nan para firme den Senjor y no wordo lastra door di e sistema di mundo.
Awendia droga, arma, alcohol y bida di paranda tin hopi hoben den scuridad, hasta nan ta bende nan mes pa asina nan por yega na cos di luho awe , y lubida cu bida ta sigi mayan, y hopi biaha nan ta cay den malesa.
Nos mester haci oracion pa Senjor renoba mente di nos hubentud, pa nan no wordo domina door di e sistema di mundo pero busca e perfecto boluntad di Dios.
Nos mester haci oracion pa nos yiunan, pasobra cierto amistad, por perhudica nan mas cu nan ta kere, pa nan anda cu hende corecto y hende sabi, no cu hende cu por hinca nan den problema.
Nos mester sinja nos yui cana den e berdad, cana den lus , pasobra Dios ta lus y den dje no tin nada , nada di scuridad.
Laga nos pidi Dios sabiduria pa nos yuinan pasobra sabiduria cu Dios ta duna ta bon ,no esun di e sistema di mundo, ta necesario pa nos hubentud ta sabi , pasobra hopi cos cu nan ta cay aden awendia ta pa falta di sabiduria.
Instrui e mucha den e caminda cu e mester cana,y hasta ora cu e bira bieu , e lo no aparta su mes for di dje. ( Proverbionan 22:6).
Ta nos deber como mayor pa sinja nos yiu pa perservera den oracion,pa sigi confia Dios, no flakia,pero para firme y mira e grandesa di Dios.
Nos hobennan mester di oracion riba tur cos, pa nan no trompica.
Sinceramente , Pastor Marcel Balootje
