Segun Meteo di Curacao a informa dialuna merdia, ta splica cu tin chens cu algun particula di shinishi di e erupcion di volcan di St. Vincent por yega Curacao ( y tambe Aruba) diaranson awor. Meteo Curacao a bisa cu ta conoci cu e volcan La Soufrière ta un volcan activo actualmente riba e parti zuidoost di Antias Menor y ta hopi probabel ku e erupcionnan lo continua den diferente intensidad.
Tur kos tabata depende e direccion di biento e intensidas di e erupcionnan pa cua direccion e shinishi lo bay.
Pronostico ta cu gran parti di e shinishi lo bin abou serca y alrededor di e volcan mes. Sinembargo algun particula cu ta keda den e parti mas bou di atmósfera lo yega aki banda pa diaranson y solamente lo influencia e vishon general.
Meteo di Curacao a bisa di lo sigui monitor tur desaroyo di e volcan aki di aserca. Ademas lo tin presencia di un aire relativamente mas seco huntu cu santo di Sahara cu lo sigui impedi pa awa cay y manera a indica caba e vishon general lo keda redusi.
