Frederic Eshelman, un empresario Mericano di North Carolina, ta pidi pa nan debolbe 2,5 miyon di dollar cu el a duna True The Vote, organisacion na fabor di Trump, cu ta boga pa e cumplimento di e derechonan di votante, tras e “resultadonan decepcionante” di e investigacion, segun The Guardian ta cita e demandante.
E pleito a keda registra den Corte di e Districto Meridional di Texas, dia 25 di november ultimo. True The Vote a compromete na “investiga, litiga y expone e sospechanan di votacion ilegal y fraude den e eleccionnan general di 2020” den 7 estado pendular.
E empresario cu a apoya Trump a concede e placa, cu e condicion cu e recursonan ta financia e etapa inicial di e proyecto “Validate the Vote.”
Den inverti e suma, Eshelman a solicita reiteradamente e update riba e avance di e investigacion.
Sin embargo, lo unico cu el a ricibi a cambio tabata “contestanan vago, topico y promesanan bashi,”, di acuerdo cu expedientenan hudicial.
Mas ainta, e entidad a dicidi revoca voluntariamente e litigionan pendiente sin cu e donante a wordo informa.
Suspension di litigionan y intento di reconciliacion
Di su parti, True the Vote a publica un comunicado firma pa Catherine Engelbrecht, presidente di e entidad, den cual a reconoce di a suspende e pleito den e estadonan di Georgia, Michigan, Pennsylvania y Wisconsin, enfatisando e continuidad di su “lucha pa integridad electoral.”
“Nos mision ta hopi mas grandi cu un solo eleccion. Ta trata di drecha e sistema electoral pa tur eleccion den futuro.
(…) E Mericanonan merece sa e berdad. Merece cu cada voto legal wordo contabilisa, loke ta nifica denuncia e votonan ilegal,” Engelbrecht a agrega.
E organisacion hasta a purba di cera paz cu Eshelman, proponiendo e buelta di 1 miyon di e 2,5 miyon aporta na e cambio cu e denunciante desisti di su demanda.
No obstante, e partidario di Trump ta pretende recupera tur placa aporta, segun ta desprende di e solicitud.
