Corsou: e sorpresa Caribeño cu a supera Nicaragua, Guatemala y Panama den e Ranking di FIFA

0
152

A actualisa e Ranking di FIFA y un di e seleccionnan cu mas a avansa tabata esun di Corsou. Mientras tur e Centroamericanonan a cay atras, menos Guatemala cu a sa di mantene su mes na posicion 131.

E Caribeñonan a bin ta sorprende y a priminti di ta un di e animadornan di e proximo Eliminatorionan di Concacaf.

E fenomeno a explota fuertemente e aña aki, ora cu a confirma cu nan lo avanza pa conta cu hungadonan Hulandes cu ascendencia Curasoleño, algun a forma parti di e seleccion di Hulanda y por wordo convoca di tur forma.

Na esey tin cu agrega cu nan tin sosten di Guus Hiddink, ex-tecnico di Real Madrid, Chelsea, Valencia entre otro, como entrenador.

Sin hunga ningun partido oficial durante e aña aki, Corsou a logra subi cinco puesto den e ultimo update di e Ranking di FIFA y a subi na posicion number 76.

Di e manera aki e Caribeñonan a logra supera Nicaragua (149), Guatemala (131) y Panama (78), na cual e ultimo aki a pas’e algun dia pasa.

Asina tanto confiansa nan tin cu Hiddink a sigura cu nan por clasifica pa Qatar 2022: “Si puntrami, nos ta bay Mundial? E ora mi ta bisa: “Si, nos ta bay Mundial.

Nos ta bay haci tur loke nos por. E ambicion ta eynan y lo ta fantastico si Corsou yega na e Copa di Mundo.”

Tin cu destaca cu Corsou ta comparti Grupo C di e Eliminatorionan Concacaf hunto cu Guatemala, Saint Vincent & Grenadines, Cuba y British Virgin Islands.

Si nan logra convence e futbolistanan di exterior pa nan representa nan, nan por tin candidatonan serio.

Te asina leu, loke mas cerca ta di acepta ta e ex-PSV y actual FC Cincinnati, Jurgen Leocadia.

LEAVE A REPLY

Please enter your comment!
Please enter your name here