Partido nobo HTC a presenta na ministerio publico pa pone mas control riba ministernan cu ta beneficia nan mes den gobierno

0
2061

Nos di HTC ta para aki awe dilanti di e edificio aki caminda e Departamento den dje tin cu pone hopi atencion den e forma con ta atende cu e parti di Ministernan cu ta desvia di un ley y ta beneficia nan mes den gobierno.

Husticia mester ta pa un y tur. Pueblo ta wordo trata comosifuera ta mucha chikito y no sa kiko ta nifica transparencia. Laga nos cuminsa na bisa cu ora bo ta papia di transparencia bo ta papia di demostra loke bo ta hasi den e forma cu tur hende por wak y cu lo por verifica cu e informacion saca ta correcto y husto.

Kiko di berdad ta nifica transparencia di un gobierno?

Transparencia den gobierno ta simplemente nifica un forma honesto cu bo ta demostra caminda bo ta wak cuanto plaka ta drenta caha di gobierno y tambe cuanto plaka gobierno a gasta y ken tur nan a paga. Caminda lo mustra salario di ministernan te na esun nan mas abou. També mester inclui pago di tur compania of persona priva cu gobierno ta paga, hopi importante pa pone e descripcion completo pakiko e transferencia ta y pa ki proyecto of pa ki motibo.

No lubida aki nos ta papia di plaka di pueblo, plaka di e sodo cu nos a traha duro pe y ta contrubi na nos pais cu merese di duna informacion kiko ta wordo hasi cu e plaka. Manera nos a bisa den cuminsamento cu nos lo bin cu un plataforma moderno cu lo demostra tur cos y caminda cu pueblo tin accesso pa mira y sa e berdad. Esaki ta Transparencia y honestidad. PUEBLO puntra bo mes, unda tabata tin of tin transparencia den e gobernación actual y den pasado? Aki laga nos cuminsa na splicabo cu ora bo ta papia di transparencia bo no ta papiando di mustra pueblo un papel y splika pueblo kiko e papel ta y kon ela yega eynan, esey ta jies un papel y jies un splikacion, pueblo no a pasa den e caminda cu abo a pasa como minister, pueblo kier un forma cu e tin acceso na mira loke pueblo kier mira. Si bo drenta un restaurant pa come, bo kier wak menu, bo no kier jega y wordo manipula y wordo bisa cu ta e tal cuminda ey tin y ta esey bo tin cu come. Prijs ta conta segun bo budget y e tipo di cuminda ta segun bo smaak. Den tiki palabra bisa, pueblo kier informacion completo na nan alcanse 24/7. Nos ta hopi disapunta pa mira con gobierno semper a gaña pueblo, pa laga pueblo kere cu ainda nan ta transparente siendo ta gewoon manipula nan ta manipula e celebró di nos ciudadanonan cu ta zwak. Gobierno no ta transparent y tur sa e realidad ey. Riba cua plataforma y website bo a yega di wak loke nos tur te dia di awe kier wak, e salario nan di tur cu ta cobra sumanan halto y pueblo ta sufri. Unda bo ta wak cua plaka a core den cua cuenta pa mira e husto cu e bolo a wordo reparti pa tur haña. Pueblo e bolo ta grandi, e hambranan a come tur nan so y laga e resto den muri hamber. Ken ta esnan cu ta y a sufri ayera y awe y mayan? Tin basta cu e iinhusticia cu nos ta wak riba nos pida baranca chikito cu ta Aruba. Un Aruba cu parse cu pueblo no tin voz mas, parse di ta e color di solo (Geel) y color di blachi mata (Berde). Ki dia nos lo por come fruta di loke nos a traha duro pe. Nos ta un pais chikito cu por hopi. Awe bo falta un boter di salo pa pone den cuminda, bo a perde bo cas y demas cos anto niun di nan conocebo, pero durante campania tur kier bria y gaña stimabo. Pueblo nos tur ta ser humano y nunca nos mester lubida di unda nos a bin, kon duro nos ta traha pa nos por pone un pida pan riba mesa, debe nan mester wordo paga. Aruba no ta un pais cu transparencia nos pais tin manipuladornan ta maneha nos pais, idea y locura cu ta pasa den nan mente y nan ta kere cu asina nan tin pueblo na pecho, Ban ta sincero cu otro abo sa cuanto plaka e miyonario ney ta ranca den scondi tras di nos lomba, cuanto nan ta cobra, y ta ken nan ta yuda, esey nos ta yama transparencia?. Mi pregunta na pueblo ta: Unda tabata tin y tin transparencia den plan di desaroyo pa san nicolaas cu nos sa ta fraude so sa tin embes di tin san nicolaas na pecho paso henter pueblo ta contrubi na nos isla. Bunitesa ta bon, pero esey no ta suficiente pa san nicolaas, ki manera esey ta yuda nos pais pa bai pa dilanti. Ki manera corrupcion ta hiba e país bai pa dilanti. Unda tin trasparencia den caso nan cu a wordo yama yen nomber di animal, asina bruto nan a maltrata e pueblo. Unda tabata tin transparencia den e debe di citgo, caminda miyones a wordo pordona y caminda tin hopi ta pasa hamber na cas. Na unda cu ta pordona compania grandi y e chikito nan no, chikito nan cu actualmente ta pasando duro pa sobrevivi. Unda tin transparencia caminda cu proyecto nan cu ta wordo duna na friends & Family so. Pueblo Aruba mester un cambio y aire fresco y ta basta cu hungamento cu lego kere ta mucha chikito nos ta. Kier papia di transprencia partido HTC ta demostra cifra, demostra honestidad y ta para pa igualdad.

LEAVE A REPLY

Please enter your comment!
Please enter your name here