No ta COA so a bisa cu FLPD debe SSA hopi placa. Miyones y miyones!
E hecho cu Minister Endy Croes a hiba su vision dilanti na Lotto, den beneficio di deporte, federacionnan y deportistanan a cay den masha mal tera cerca varios politiconan y nan speakernan. Den un forma incomprendibel, Patrick Paskel a reacciona masha masha rabia mes. Pero djey tambe a sigui Mike de Meza como tambe Rycond. Parce cu nan no ta kere Nicole Hoevers. Pero no ta Nicole so a denuncia Lotto, pero tambe Sr. Patrick Werleman di SSA (representante di COA den SSA), kende tambe a bisa mesun cos durante reunion di SSA cu formador di gobierno! Lotto a cumpli cu e cumpradornan, ora gana nan a haya nan placa mesora. Lotto a haci varios hende miyionario na Aruba. Lotto a haci CBN tambe mas miyonario. CBN ta un multinacional miyonario caba.
Ta cu e deportistanan di Aruba, Lotto no a cumpli manera mester ta. No tin fair share! Esunnan cu ta defende Tuitt puntra cuanto e debe di FLPD ta na SSA.
Pues, ta realmente un decepcion pa mira con hopi nan a defende CBN, asabiendo cu tin declaracion di Hoeverts y Werleman, kendenan a bisa bon cla, cu Lotto no ta pagando stichting sport subsidie. Ta ken su interes Rycon cu De Meza, cu Paskel ta defende anto? Nos lo sinta warda trankil pa e berdad sali na cla, pa haya sa ta unda e placa di deporte a bay, esta den ken su saco el’a desparce.
