SAVANETA – Diadomingo ariba di dos dia di Pasco un accidente serio a sosode altura di unda antes tawata tin gym.Trafico cu a stagna mesora por a mira mas pabou, un pick up gebolter, auto kibra y un boto di banda.
Mirando cu tawata tin un auto gebolter a pone cu varios unidad di polis y tambe ambulance a bay e sitio indica.
Na yegada polisnan a topa cu un Ford pick up di banda, e lo tawata lastrando un boto. Cerca di nan un Chevrolet completamente destrui parti dilanti.
Dos persona a resulta herida.
Con a accidente a sosode exactamente no ta mucho duidelijk pa nos, pesey nos no por specula.Un cos por mira si cu e Chevrolet lo mester a dal contra e pick up y boto cu velocidad basta halto.
Polisnan di trafico tawata tin e tarea pa compila tur dato y asina saca afo con e accidente aki a sosode.Dos ambulancenan na e sitio despues di algun rato a sali cu ambos herido direccion Hospitaal.
Ambos tawata herida pero nada di gravedad segun nos por a compronde.
Caminda mester a keda cera pa algun rato, pa asina takelwagen por a bolter a Ford pick up bek y tambe bay cu e auto Chevrolet.
