Christine Martens tabata e piloto di e helicopter cu a crash cerca di Aruba diadomingo merdia 2.30 na un distancia di 12.5 km di costa. E otro cu tambe a fayece ta Erwin Warnies di 33 aña cu ta fungi como “coordinator”‘. Dos otro tripulante a logra sobrevivi e crash aki. A purba na reanima Martens y Warnies, pero no a logra. E causa di e accidente no ta conoci, pero a logra haya e ‘black box’ cual lo mester bay suministra informacion importante pa aclara kico a sosode. Tur helicopter militar NH90 a wordo geground, pa asina ‘Inspectie Veiligheid Defensie’ por haci un investigacion.
