Recientemente Oficina di Turismo, A.T.A., a organiza su Global Marketing Meetings unda diferente miembro di e ekiponan di Norte America, Latino America y Europa a reuni cu miembronan di e ekipo na Aruba. Debi na e pandemia, esaki ta prome biaha den mas cu 2 aña cu por a reuni tur hende en persona cu e proposito di reconecta pa asina por sigui traha hunto y prepara strategianan pa 2023 y e añanan despues! 

Di parti di e ekipo di A.T.A. na Aruba a comparti informacion di e industria, desaroyonan tumando luga na Aruba, mercadeo digital, proyectonan y algun otro iniciativanan.

Cada mercado a presenta tambe e situacion y pronostico pa e resto di 2022 como tambe expectativanan di recuperacion y oportunidadnan pa 2023. E ekiponan por a comparti tambe nan “best practices” cu otro pa asina inspira y duna ideanan cu lo por wordo aplica na otro mercadonan.

Pa conclui e siman, a bay diferente hotel y establecimento nobo pa di e forma ey tur coleganan di e mercadonan por conoce mas di e cambionan di producto y luganan nobo cu por comparti ora di promociona Aruba. Por ultimo a bishita Aruba Airport Authority unda a ricibi un presentacion extenso y por a wak tambe diferente cambio andando pa asina mehora e experiencia di e bishitantenan cu ta haci uzo di aeropuerto.

Tur e informacion ricibi lo wordo uza pa prepara e Corporate Plan & Budget pa 2023, cu input di e mercadonan. A.T.A. ta premira cu 2023 lo ta un aña di continuacion di recuperacion y di oportunidadnan nobo.

LEAVE A REPLY

Please enter your comment!
Please enter your name here