SUCESO – Diadomingo anochi den careda di 9:20 varios unidad di polis a bay pazuid di e rotonde ex Sasaki, cu ta bay direccion Playa.
Polisnan a ser manda pura debi cu un homber de un Chevrolet Vivant color blanca tawata sigui su pareha. Tawata trata di un pareha basta jong cu lo tin un yiu cu otro.
E homber den e Chevrolet Vivant tawata core cu plachi number di aña 2019, papelnan no tawata ordo tampoco. Polisnan a logra stop e auto mientras e dama tawata den un Daihatsu shinishi poco mas leu para.
Eynan e dama basta emociona a conta polisnan di e problema cu e tin cu su pareha.
Mirando estado di e homber polisnan a opta pa detene y asina evita cu mas laat e lo bay haci problema. E homber segun polis tawata bou influencia tambe y a pidi pa transportwagen.
E homber a roga polisnan tur manera pa e nan no detene y segun su persona e no a haci nada.
