Polisnan mester a atende cu turista hoben bou influencia y agresivo.

0
54

Aruba -Dialuna anochi asistencia di polis a wordo pidi na un night club situa den The Village. Tawata den careda di 8:25 p.m Strand Politie y un unidad mester a bay atende cu un turista problematico. Segun informacion e turista cu lo tawata bou influencia a cuminsa of a comete destruccion.Seguridad di e club a saca e turista hoben pafo. Polis mesora por a constata cu e turista hoben aki ta bou influencia y casi sigur lo bay tin problema cu ne.Momento cu e mester a cuminsa atende cu polis eynan tambe e la cuminsa insulta polis y bira agresivo loke autoridad no a tolera. Polisnan na e sitio a domina e hoben y a pidi refuerso, mientras e hoben turista tawata papia un monton di cosnan straño y menasa e agentenan. Na yegada di e transportwagen e la wordo hiba warda di polis unda e lo keda cera te ora e baha di e haltura causa pa e un of mas substancia.Tipo di incidentenan manera esaki sa pasa hopi biaha den e area aki, unda algun aña atras un confrontacion entre algun turista y security di un club a termina fatal, unda un turista a perde su bida.

LEAVE A REPLY

Please enter your comment!
Please enter your name here