PPA a tuma nota di e articulo publica den Awe Mainta cu e titular: “Exclusion di experto y falta di establicimento di DMH,” riba dia 11 di november. PPA ta tuma nota cu ningun parlamentario tampoco a reacciona riba e critica duna den e articulo.
Tambe PPA a papia cu diferente profesional den sector di mucha y hoben cu a expresa nan malcontento y e falta di respect con nan experticio no a wordo reconoci pa Gobierno, poni un banda y exclui. PPA por concludi despues di palabracion intensivo cu e motor tras di e iniciativanan aki ta bin di e colaboracion di e diferente profesionalnan mes y esey mester wordo respeta. Nan no tin derecho di wordo exclui sin duna respet.
Manera e ley di creche ta un iniciativa di experto di diferente directiva: enseñansa, asunto social, husticia y departamento di salubridad publico, Inspectie y FPNM. Un ley cu mester a wordo trata prome cu 2022 na aña 2018. Gobierno mes a hunga e cambio di portfolio bou di diferente e ministernan anterior cu tabata responsabel pa trata e ley aki adecuadamente.
E accionnan di Tratamento Internacional di Derecho di Mucha ta ancra den un comision cu un Ministriele Beschikking desde 2001, cu ta consisti di experto y e directornan di CBS, Buitenlandse Zaken, DVG, Sociale Zaken y Onderwijs, Bureau Sostenemi, Directie Voogdijraad, cu recien a wordo elogia pa nan trabou durante e evaluacion internacional tocante Convenio di tratamento di Mucha cu ta tuma luga cada dos aña. Pa DMH den landsbegroting 2023 y 2024 ta solamente para como focus y implementacion: Ley di creche y tambe codigo di proteccion y e training di e leidsternan di crèche. No henter e proceso di Derecho di mucha manera ta para den e articulo.
Intervencion trempan ta wordo haci p’e experto y e dokternan di DVG cu ta traha cu WGK y nan sistema ta ainda desde 107 aña pasa na Aruba pa monitor tur mucha na Aruba. Con DMH por claim cu ta nan a yuda un mucha cu intervencion trempan y mayor si e muchanan tambe mester bay obligatorio na WGK y tambe e dokternan di DVG nan wordo guia adecuadamente? Dicon nan no a scoge pa bira parti di un team existente y reinforsa cu otro? DMH no tin e mandato pa mira tur casi 25 mil mucha riba e tereno integral psico-social y medico? Nan no tin e experticio y nan no ta “medisch bevoegd“ pa haci esey tampoco? Kico ta para den nan “instellingsbesluit” tocante e parti aki y nan “bevoegdheid” pa haci algo asina? E ley di Volksgezondheid ta keda ta parti di DVG cu nan expertonan psico-social y medico pa monitoria mucha y hoben adecuadamente. PPA mes lo bin cu un “kwaliteitsinstituut” (Instituto di Calidad), pa controla y monitor loke ta pasando den veld. Tambe e registro nacional di creche tabata cerca FPNM. Dicon esey a cambia pa DMH cu direpente un colaboracion no por ta posibel cu un Fundacion cu un experiencia extensivo di mas cu 20 aña largo?
Tin hopi bruhamento cu un departmento cu djis a wordo lanta sin vision, sin cu a wordo comunica of consulta cu e profesionalnan y tur e directivanan concerni y sin evaluacion. No por ta posibel cu un departamento djis ta wordo lanta y gedrop p’e profesionalnan social y den ramo medico concerni sin consulta nan tambe, pa traha obligitorio cu un departmento sin cu ta claro dicon y (pa)kico nan ta haci. Dicon no a scoge pa traha hunto enbes di un departamento nobo? Gobierno tin cu aclaria esey debidamente. Unda e respet a keda den esaki? Unda e respet a keda pa djis cambia cos cu te ainda ta efectivo ainda?
Corte ta mira?
1. PPA kier puntra a base di bon gobernacion y transparencia y tin di splica con DMH a wordo ehecuta.
2. PPA ta cuestiona con bin cu DMH por a habri su edificio 7 november ultimo y cu cua placa? Ken a sponsor of a duna un subsidio na un departamento di gobierno? Y PPA ta puntra con esaki ta hinca den e landsbegroting di 2024 si e no ta presupuesta? Ta placa addicional?
3. Con un entidad gubernamental a wordo lanta cu un instellingsbesluit desde dia prome di october 2022. Con e proceso aki a bay y ken su iniciativa esaki tabata y con e decisionnan tabata?
4. Dicon esaki no a wordo palabra den Parlamento riba un manera transparente adhunto cu tur e documentonan? Kico e secrecia aki ta te dia di awe? PPA ta puntra si esaki ta politica di MEP pa acomoda un miembro di Partido? Cuanto otro a wordo acomoda cu un departamento nobo?
5. Dicon Parlamento no a puntra con un departamento nobo ta cuadra den e landspakket cu Aruba tin di ehecuta?
6. Dicon parlamento ta consisti di parlamentario hoben, nobo y innovativo di Aruba no a cuestiona gobierno den Staten y con bin cu e departamento no por a keda bou di Directie Sociale Zaken? Con esaki mester wordo mira si ta den e begroting 2024 ta para si DMH ta para pa continua un programa?
7. Dicon mester bin un departamento gubernamental cu mester wordo lanta y central? Dicon e colaboracion no por a sigui traha y ken a tuma un decision di cambia e maneho sin evalua esaki, of ta politica barata?
8. Unda tur e documentonan ta? Raad van Advies a duna di conseho, DWJZ, CAFT tambe? Pasobra Raad van Advies tambe a cuestiona gobierno si un entidad asina ta necesario. Tambe Raad van Advies a puntra den su advies pa landsbegroting 2024 kico e maneho y motivacion exactamente ta unda ta papia tambe di aumento di placa pa Sociale Zaken di 15 miyon florin?
9. Kico DRH a avisa, ya cu tin hopi vacatura habri te ainda y dicon e personal no por a yena e otro vacaturanan social habri pa traha hunto? Ta kico e advies di DRH ta pa por a traha riba e “instellingsbesluit” asina, pasobra tin ainda hopi vacatura habri? Unda DRH a keda y a duna advies pa yuda e otro departamentonan cu nan vacaturanan cu te ainda ta habri? Ken a traha y a accorda e organogram y bou di ken e ta resorta?
10. PPA ta yama gobierno a base di ley Openbaar Bestuur pa mustra pueblo tur e documentonan. PPA ta para pa transparencia y integridad di decision.
11. Con bin cu e profesional den e sector social y medico mes ta bisa diripiente DMH tabat’ey y a base di ki mandato? Dicon nan no a wordo consulta tampoco si ta necesario pa tin un departamento nobo?
12. Ken ta evalua DMH y con DRH y bou ken su responsabilidad e entidad aki ta, bou di Directie Sociale Zaken of no, y kico t’e decisionnan tuma?
13. Elogio mester ta p’e trabou di e profesionalnan di tur e otro departamentonan cu ta haci e trabou di nan 5 posibel.
A base di esaki PPA ta kere cu e maneho di mucha y nos hobennan mester ta uno mas efectivo, pero no tin mester di lanta un departamento di mas si e por a keda den un manera efectivo y eficiente como parti di un Directie di Sociale Zaken (cu tabata guia social crisisplan) of bou di mandato di Directie Volksgezondheid. Manera anterior ta stipula (basa riba nan mandato pa guia tur mucha y tambe PPA ta kere den un cooperacion intensivo di profesional den un landsbesluit cu tambe ta ancra unda e supervision integral di creche tabata ta den e plannan anterior. DMH no por drenta den un area medico preventivo sin mandato y experticio mas. Un evaluacion profundo mester wordo haci y kico e consecuencianan lo ta a largo plaso. Ta Parlamento a drumi desde 2022?
Bo sirbido publico
Jacqueline V. Woodley
Candidato #16 riba lista di PPA
