Den fin di siman a tuma luga Central Training “Proyecto Piloto” bou guia di Monica Pimentel y Stuart Smith. Presidente di Aruba Taekwondo Bond “ARTBO” Moises Fernandez tabata contento di mira cu e Proyecto Piloto ta bayendo den bon direccion y cu mas atleta ta participando. Sr. Presidente a splica tur cu a bin pa prome biaha e motibonan y e direccion cu ARTBO ta bayendo. Tambe a splica cu tin varios evento unda cu ARTBO lo saca su seleccion na base di e Proyecto Piloto pa representa Aruba. 
Monica Pimentel a asisti na eventonan internacional unda cu e reglamentonan nobo a wordo implementa caba a splica e atletanan di tur e reglamentonan nobo y a usa esakinan tambe den e training. Nos base mester ta bon pa asina ora nos bay bringa internacional, nos sa kiko por y kiko no por pa no perde un pelea pa motibo di no sa e reglamentonan nobo. Durante e training Monica Pimentel a usa e sistema electronico Daedo cu ta wordo hopi usa internacional pa eventonan di Taekwondo pa asina mustra den practica locual a wordo splica. Training lo sigui pa Aruba ta na e nivel cu mester ta. 

LEAVE A REPLY

Please enter your comment!
Please enter your name here