E organisacion di Carnaval SMAC ta bao di critica fuerte dor di carnavalistanan. A bin sali na cla cu recientemente SMAC a eligi un reina hubenil cu tin 17 aña, cual ta violacion di e propio reglanan di SMAC. E mes un reina hubenil aki a wordo corona como reina grandi di EPI algun dia prome.
Participantenan den eleccion di reina ta desapunta den SMAC cu a permiti pa regla wordo cambia pa asina permiti un reina grandi di scol EPI participa den eleccion di reina hubenil di Aruba su carnaval.
Esaki sigur ta otro blunder mas, otro barco mal pega, cu ta muestra cu SMAC no por cumpli cu su obhetivo, di organisa un carnaval den armonia, trankilidad y pas.
Durante di e eleccion di reina, te hasta fanaticonan di un reina a exigi pa un hurado, Sra. De Veer bandona e team di hurando, sino ningun reina lo subi stage.
SMAC mester a doblega y mester a pidi Sra. De Veer pa bandona su stoel como hurado pa asina e show por a cuminza.
Sigur un problema hopi grandi cu a conduci na e rumornan persistente cu e presidente actual lo ta pensando pa entrega su retiro.
