3 dia yena cu sorpresa, oferta y premio
5 O’Clock Somewhere Bar & Grill den Renaissance Marketplace celebrando prome anniversario
Oranjestad – December – 5 O’Clock Somewhere Bar & Grill ta celebrando nan prome anniversario. Ainda nos por corda e Gran Apertura di Margaritaville su prome 5 O’Clock Bar & Grill den Caribe caminda cu den un ambiente ameno a habri su portanan pa publico. Un aña cu hopi reto pero satisfecho con e comunidad a acepta un bar nobo den curason di Renaissance Marketplace, y apesar di e situacion actual a keda sostene.
3 Dia pa celebra e prome anniversario di 5 O’Clock Somewhere Bar & Grill. Aruba henter ta keda cordialmente invita pa asina celebra e prome anniversario den un ambiente sano y bao di tur protocol di hygiene stipula pa DVG. Apesar cu mundo y Aruba ta pasando den un pandemia, no por laga e celebracion aki pasa bai keto y kier a yama danki na e comunidad local cu a sa di sostene 5 O’Clock Somewhere Bar & Grill henter un aña largo.
Diabierna 4 di December te cu Diadomingo 6 di December, cuminsando pa 12’or di merdia, 5 O’Clock ta invitabo pa un celebracion special. Un weekend yena cu sorpresa, oferta y premio. Lo bai extende e tan gusta ‘Happy Hour’ caminda cu esaki lo ta for di 5’or di atardi te cu 10’or di anochi tur 3 dia cu oferta special riba Margarita y Cocktailnan como tambe riba Balashi y Chill. Tambe tin un oferta super special riba e Mojito di 20oz. cu ta bin den un 5 O’Clock ‘Booze Blender’. Gana premionan atractivo cu ‘Pop Your Balloon’ y riba diadomingo lo bai tin e famoso competencia di Domino cu premionan special pa e ganador absoluto.
E invitacion ta keda pabo yega Renaissance Marketplace y celebra hunto cu 5 O’Clock Somewhere Bar & Grill. Pa mas informacion, por sigui 5 O’Clock su pagina riba Facebook;
https://www.facebook.com/5somewherearuba
. Ta recorda un y tur pa corda mantene y respeta distanciamento fysico y pa cumpli cu tur reglamento stipula pa Gobierno di Aruba y DVG. Pa e competencia di Domino mester pasa y registra adelanta.
