Un lector a yama nos redaccion cu basta precupacion, despues cu ela scucha radio Taliban. Senjora Taliban tabata basha bala riba gobierno, cu yen di alegria, usando landspakket.
Un cantidad di storianan a wordo treci dilanti, pa instiga pueblo, ganja pueblo, y fomenta odio.
Radio Taliban tabata grita sindicatonan pa lanta riba, bay protesta y hiba tire. Hiba tire dicon? Pa cende candela?
Tur esaki pasobraa segun Radio Taliban, cu e landspakket lo ta fin di mundo.
Esta baina cu Radio Taliban. Tur hende sa masha bon di e condcionnan imponi di Hulanda. Ta for di Juli 2020 tur esaki a wordo debati publicamente.
Promer Minister a bay parlamento pa informa pueblo. E situacion no ta facil, pero tampoco imposibel.
Riba tur e puntonan di landspakket, lo mester laga haci un investigacion y despues cu e rapport ta cla, lo mester discuti kico ta mihor pa Aruba.
Pues, cu ta bay tin cambionan, tur hende sa for di Juli 2020.
Esaki lo trece tambe varios cambio positivo, manera un Departamento di Recurso Humano cu mester funcciona cu mucho mas eficiencia y rapides. Ta cua ambtenaar lo bay protesta contra di e mehoracion aki?
Pues e gritonan di odio, e gritonan pa hiba tire pa kima, e gritonan aki ta nada otro cu hendenan cabes venena, cu nan kier sinta wak e caida di Aruba.
Nan mester realisa, cu sea cual sea e partido cu drenta gobierno ta bay deal cu landspakket. Pues, pueblo no mester bay tras di poco loco, cu cabes a bira deremate, ora cu un amigo personal a wordo movi for di den RDA
