DEPORTES – Manera tabata conoci, campeonato di futbol di La Liga Santander na Spaña a inicia y tabata tin algun
wega den fin di siman.
Diasabra prome wega tabata entre Cadiz y Levante y aki e wega a termina den un empate 1-1, gol di
Levante tabata na di 39 minuut anota pa Luis Morales y gol di Cadiz tabata na di 97 minuut anota pa
Alfonso Espino.
Di dos wega Mallorca a empata 1-1 contra di Real Betis, gol di Mallorca tabata na di 25 minuut anota pa
Brian Olivan y gol di Real Betis tabata na 59 minuut cual a resulta un auto gol di Manolo Reina.
Ultimo wega di Diasabra atardi tabata entre Osasuna y Espanyol di Barcelona y e wega aki a keda
empata 0-0.
Diadomingo e prome wega tabata entre Celta Vigo y e actual campeonnan di La Liga, Atletico Madrid,
cual wega Atletico Madrid a gana cu score di 2-1, golnan di Atletico Madrid a wordo anota pa Angel
Correa na di 23 minuut y na di 64 minuut, mientras cu gol di Celta Vigo a wordo anota pa Iago Aspas pa
medio di tiro penal na di 59 minuut.
Ultimo wega di Diasabra tabata entre Sevilla y Rayo Vallecano cual wega a wordo gana pa Sevilla cu
score di 3-0, golnan di Sevilla a wordo anota pa En-Nesyri na di 19 minuut pa medio di tiro penal y pa
Eric Lamela na di 55 y 79 minuut pa e victoria di Sevilla.
Amantenan di bon futbol keda pendiente pa tur noticia di futbol di tanto La Liga Santander di Spaña y
otro campeonato caminda Solo di Pueblo lo tin tur noticia y resultado pa bosonan.
