Historia politico ta ripiti ??

E polemica cu ta tumando lugar entre Minister Marisol Lopez-Tromp y su partido POR den e coalicion actual, ta topico di conversacion ultimo dianan y tur hende tin nan opinion. Entre otro ta bisa cu Parlamento no por bahe como minister den su ausencia y cu mester dune oportunidad pa defende e ponencianan cu tin den su contra. Politicamente esaki enberdad ta lo mas corecto, pero no tur ora lo mas corecto ta e unico soluccion, especialmente si mira cu e asunto aki ta den un impasse ya di varios siman sin un soluccion y ta un estorbo grandi pa un bon funcionamento di gobierno. Tampoco ta e caso cu si Parlamento kita sosten di Marisol den su ausencia, esaki lo ta un precedente of un primicia. E ponencia aki tampoco ta corecto, ya cu esaki a tuma lugar den pasado, aunke bao otro circumstancia. Na 1988 Aruba tabatin un coalicion di 3 partido : AVP cu 7 asiento, PPN cu 2 asiento y AD’86 cu 2 asiento pa un total di 11. Den transcuso di e lunanan cu a sigui, tabatin varios conflicto entre e miembronan den e coalicion y dia 18 di oktober 1988, premier Henny Eman a pidi Gobernador pa disolve Parlamento cu a haci cu tur ministro mester a entrega nan retiro.. E decision di Henny Eman a tuma lugar sin consulta cu e partner den coalcion AD’86 y sin consulta cu e Minister di AD’86 sr. Frank Booi kende tabata na Hulanda pa trabao y ta via media mester a tende cu e no ta minister mas den e Gobernacion. Na su regreso pa Aruba dia 24 di oktober 1988, e tambe mester a entrega su retiro na Gobernador.

E coalcion actual ta entre MEP/POR/RED y no entre Marisol cu e demas partners. E partner den coalcion ta partido POR y ta POR ta nombra un persona como su minister y si POR ta desea pa remplaza su representante, esey ta su prerogativo y demas partner mester respeta y accepta esaki.Si Parlamento kita e sosten na sra. Marisol Lopez-Tromp como minister sin scuche, esaki lo no ta prome biaha den historia politico di Aruba, ya cu na 1988 premier Henny Eman a retira tur minister sin cu nan por a defende nan mes.

Historia politico ta ripiti ??

LEAVE A REPLY

Please enter your comment!
Please enter your name here