Ricardo Croes a lansa critica pisa riba su partner di coalicion; Ta tilda su partnernan di ta boycotea RED

0
2883

Indignacion Total cerca Ricardo… Ricardo Croes a lansa critica fuerte riba su partner di coalicion MEP

Ricardo ta exigi pa personanan cu a cay cera pa marihuana wordo exonera di ley di screening y mag bira minister

Diamars mainta Sr. Ricardo Croes di RED a tene un rueda di prensa dilanti Parlamento di Aruba.  Den e rueda aki Ricardo Croes a habri afor riba su partnernan di coalicion pero specialmente riba MEP.   No solamente el’a punta dede riba Lider di MEP,  alegando cu el’a cana haci promesa den eleccion, pero tambe a lansa atake riba mas ministernan di coalicion (behalve Rudy Lampe)  cu ta bao investigacion.   

Segun Ricardo a splica,  cu su persona no ta mescos cu nan.   Pasobra su persona no a cana haci promesa ni tampoco tuma ningun florin.  Pesey mes el’a haci un yamada na pueblo,  pa proximo eleccion,  pa nan vota otro,  pasobra si nan sigui vota mescos,  nan lo sigui haya mes cos.  

Segun Parlamentario Croes,  cu coalicion no ta cumpliendo cu nan acuerdo,  pa cu partido RED,  pasobra tur e puntonan di Partido RED ta wordo poni un banda of teni atras.  E ta bisa cu a purba boycotea RED den coalicion.  “E pueblo lo bay dicidi kico ta pasa den eleccion, si bo sigui vota mescos, ta mescos bo ta sigui haya”.

Ricardo Croes tabata hopi indigna cu coalicion no a tene cuenta cu e cambionan cu su persona tabata kier den e ley di screening y defacto cu nan no kier a suavisa e posibilidad pa cualke persona cu a haye den problema cu husticia pa asuntonan di marihuana,  por ocupa posicion di minister den futuro. 

LEAVE A REPLY

Please enter your comment!
Please enter your name here