Rutte riba problema di islanan: Haci tur lo posibel pa resolve esaki bo mes e proximo biaha; pesey ta impone condicion

0
1902

Diabierna merdia, Prome Minister di Hulanda Sr. Rutte a duna un rueda di prensa unda elabora riba e situacion di ayudo pa islanan den Caribe. Un rato prome cu Rutte a duna su conferencia di prensa, e gevolgmachtige ministernan di Aruba, Corsou y Sint Maarten a duna un briefing na prensa, unda nan tabata mustra rabia despues di e reunion di conseho di minister di Reino. Riba pregunta di un miembro di prensa, riba e pakico pone condicionnan riba paisnan den Reino, ora cu nan tin mester di ayudo, Rutte a constesta: Pa e mes un motibonan cu nos a impone condicion pa Italia Spaña y Francia.

E periodista a puntra Rutte si e ta haya e situacion comparabel?

Segun Rutte a bisa cu si, e ta haya e situacion masha similar. Ora cu paisnan bisa cu nan tin problema serio pa resolve, y cu nan puntra Hulanda pa ayudo, e ora ey, Rutte a bisa cu e ta kere cu bo mester ta dispuesto pa brinda ayudo dentro di Reino, dentro di Union Europeo, y tambe dentro di e parti di Caribe di Reino y dentro di Union Europeo cu paisnan ta luchando. Pero na mes momento Rutte ta bisa: Haci tur lo posibel pa resolve esaki bo mes e proximo biaha.

Rutte ta haya cu e islanan ta hopi lento den haci nan reforme?

Premier Rutte a contesta cu si, bo por conclui esey. Nan tabata purbando esey di basta tempo caba. Nos ta spera cu nos por aumenta e ritmo un poco.

LEAVE A REPLY

Please enter your comment!
Please enter your name here