For di rueda di prensa cu Premier Rutte a tene diabierna merdia e Premier Hulandes a sigui elabora riba islanan den Caribe. Den su splicacion aki por filtra exactamente kico ta e focus di Hulanda na e momento aki. Apesar di situacion financiero, Hulanda tin su wowo habri corupcion y Rutte ta pone enfasis riba e aspecto aki, pero tambe ta menciona cu e Estado di Derecho mester ta na ordo y mester funcciona bon:
Kico te puntonan cu e islanan den Caribe lo mester reforma?
Rutte a contesta cu ”Si”, ta trata di un serie di cosnan basico. Finanzas den ordo, y “Estado di derecho” den ordo. Pero tambe ta implica cu mester haci un serie di cosnan pa garantisa cu e paisnan tambe por ta competitivo a largo plazo. Awor mi ta referi na e parti Caribe di Reino. No ta trata di paisnan Europeo, nan tin otro problema. Pero aki tin cuestionnan relaciona cu e lucha contra di corupcion, e sistema financiero y e solides financiero.
Pero tambe mester fortalece e competencia a largo plazo. Por ehemplo, mester bira menos dependiente di turismo y kico nan tin mester pa esey? Bueno, Hulanda ta dispuesto pa yuda, esey mes nos ta haciendo pa un tempo caba, esta ayudo pa likides financiero y tambe cu asistencia di emergencia. Tambe nos ta bezig ta wak con nos por haci pa inverti structuralmente den nan economia. Esey ta forma parti tambe di un colaboracion decente di cooperacion.
