Na prome luga, saka sargassum afo.
Protekshon di naturalesa ta sumamente importante.. pero e kaso di lima aki pa ku Sorobon ta riba direkshon pa un estrobo pa nos windsurfers nan i turista. Dikon?
Ban un tiki den pasado, lima a kuminsa na kantu di bich, esaki a wòrdu sera. No ta piska i kuminda so pa bestia tin den lima, tin kos ku ta kausa bo daño tambe pesey no mag di drenta. Awor ban presente, pasa tira un bista na nos dushi Sorobon. Bo ta mira hopi mas tantu lima a kuminsa krese i hasta kaminda windsurfers nan ta trein of landa. Si laga esaki bai asina, aki par di tempu ta den e lima nan tin ku trein. Pero esaki no ta posibel.. Algu hopi importante!! Boneiru ta miho na mundu den e deporte aki!! Unda nos gobernante nan ta pa yuda e deporte aki krese i no laga e limanan aki bira un problema i peligro mañan?? [Windsurf a kai pa motibu di Lima, Grandi grandi den Extra esey nos ke mira?.] Parti noord di Sorobon bai pariba na lac baai tin un kantidat di lima pa nos bestia nan, dikon no por laga parti suit liber pa e deporte aki i tambe turista por disfruta di e bich?? Akaso e deporte aki tambe ta riba lista pa elimina? Siendo ku nos ta bon na altura ku kaminda tin lima no por drenta! Stinapa ta keda sera kura den awa te dia ku no por windsurf mas. Di parti turista, e awa ku tabata blou a bira heel manera hende ta oriná den e awa pero esaki ta e lima. esaki ta mas heel den parti suit. E awa ta mahos.. i hasta hasi e santu duru. Nos ke bich nèchi korekto? Nos no por laga e bich nan bai asina ki si no. Bo ta laga bo kura yena ku yerba pa kabritu i buriku bin kome? No tòg? Dikon den parti di uzo aki di e awa si? Riba tera tambe tin bestia pa kome e yerba nan ku bo ta kortando den bo teritorio! Lima nan tin nan teritorio i Windsurfers nan tambe tin nan teritoria. Dikon no por respeta di nan? Laga suit pa e deporte, suit mi kemen ku e parti baby blue kompletu i noord pa nos bestia nan. Masha simpel. Si no mañan esaki lo bira un problema pa windsurfers nan i turista!
“E POTRET TA BIEU I DI GOOGLE, E TA DJIS UN MUESTRA, PASA PERSONAL PA ABO KU TIN DERECHO DI PAPIA POR MIRA ESUN NOBO 5D PA BO MES.
