ORANJESTAD – Sra. Vrolijk di SABA tambe a acudi na un reunion cu formador, Sra. Wever Croes.  Diparti SABA nan a trece tur nan puntonan dilanti y nan planesnan como tambe nan puntonan, unda mester cambia cierto leynan. 


Sra. Vrolijk ta contento di por a haya oido y ta spera  tambe cu e proximo gobierno den formacion lo haya solucion pa nan retonan. 
E cuido actual ta rekeri mucho mas tempo di loke tabata antes, pa nos grandinan.  SABA tin pacientnan di 52 aña cu demencia,  pues, e tarea di SABA ta mas grandi. 


E cambio den ley, pa AZV, mester bin tambe cu cuido cronico, y esaki tin su oido di formador.  Mester trece e coreccionnan aki den ley pa asina e problematica aki por wordo atendi. 


Por lo general, SABA ta mira cu e e gobierno den formacion tin oido.  Pa loke ta Covid-19,  SABA a pasa den experiencia, y ta hopi afortuna pa bisa cu nos grandinan ta bayendo bon.  Tin medidanan unda tur e casnan ta cumpli cu nan.  Ta trece cierto stress,  pero por lo general e ta bao control.  

LEAVE A REPLY

Please enter your comment!
Please enter your name here