Palabra di Dios ta bisa den Genesis 2:24-25:Pesey un homber lo bandona su tata y su mama y lo uni cu su esposa y nan lo bira un carni.e homber y su esposa tur dos tabata sunu, y no tabatin berguensa.
Esaki nos ta papia di un pareha casa, pasobra awendia tin hopi hacimento di wega,
Hendenan cu ta biba cu otro sin ta stima otro,
Sin ningun pensamento di casa cu otro,
Hopi ta biba pa motibo di interes financiero,
Otro ta biba pa interes sexual,
Otro ta biba cu otro pasobra nan no ta balora matrimonio.
Tin ta biba cu otro pa manipulacion, usando e strategia, cu dia mi no kier bo mas , mi ta bay of si bo no ta gusta asina baha na awa.
Ora pica a drenta mundo,( Genesis 3:6-7) orguyo tambe a drenta, y awendia ta trece problema matrimonial y den famia.
Orguyo ta stroba comunicacion y intimidad sexual, cual ta un mandato di Dios, den matrimonio ( 1 Corintionan 7:3-5).
Orguyo ta stroba educacion di yuinan, ora mucha ta mira pleitamento constant, ta dificil pa e sa ta ken e tin di obedece, pero ora e ta mira amor y union e ta comprende cu e mester honra su tata y su mama.( Efesionan 6:1-4).
Tur pareha cas mester tuma tempo pa otro y sa di complace cu otro, pesey e homber lo bandona cas di su tata y su mama, pa asina evita cu hende por interveni den nan intimidad, pasobra ta nan dos tin cu forma nan bida.
Pasobra den buskeda di amor tin hopi tesoro pa descubri, pasobra e interesnan ta riba mesun base, pero asina cu orguyo drenta, sea pa falta di pordon, of pa motibo financiero ( Ami ta gana mas cu bo) esey ta pone cu manipulacion tambe ta haci bishita.
Tin hopi matrimonio herida door di orguyo, y hopi famia herida door di orguyo.
E homber mester tene su curpa pa e ta agradabel den bista di su esposa, y e muher mester cuida su curpa pa e ta agradabel den bista di su esposo.
Un homber sabi, cu ta respeta su esposa, no ta permiti su esposa ta cana mitar sunu bisti hunto cune, pasobra esey ta baha balor di su tesoro, cual ta su esposa, pasobra ningun caminda bo no ta hanja diamanta of otro piedra precioso tira riba tera.
Mescos tambe un muher sabi, mester ta atento cu su esposo,pasobra e muher ta e corona di cas, y ningun hende no por ocupa su lugar, e mester wordo respeta, door su esposo,y famia, y tur hende cu conoce su esposo.
Orguyo ta un mal influencia, cu nunca ta trece union, solamente division, cual poco, poco ta hiba na divorcio.
Pesey laga nos restaura matrimonio,y pone enfasis caminda orguyo a herida y causa danjo.
Colosensenan 3:13-14: Boso soporta otro y pordona otro, si un di boso tin un keho contra otro. Mescos cu Senjor a pordona boso, asina tambe boso mester haci.
Efesionan 5:28 : Asina esposonan tambe mester stima nan esposa,manera nan mes curpa, esun cun ta stima su esposa ta stima su mes.
Efesionan 4:31-32: Laga tur amargura, furia, rabia, griteria,calumnia, wordo kita for di boso,hunto cu tur malisia.Y sea carinoso cu otro,misericordioso, pordonando otro, mescos cu Dios den Cristo tambe a pordona boso.
Proverbionan 24:29: No bisa’’lo mi haci cune mescos cu e a haci cu mi, lo mi paga e homber segun su obra.
Orguyo ta trece falta di pordon y falta di pordon no ta di Dios.( Mateo 6:14-15).
Sinceramente, Pastor Marcel Balootje
