Den e desaroyo di Aeropuerto di Aruba, nos por compronde cu gobierno di AVP Futuro ta sigui complace e compania Hulades Schiphol Group. Actualmente, Schiphol ta gana masha cerca 6 miyon florin pa aña di nos aeropuerto. Pero den e contract nobo, nan kier redobla esaki pa yega te 10 of 12 miyon florin.
E suma aki ta completamente absurdo, pasobra mesun gobierno di Aruba no ta gana esey di nos propio aeropuerto. Schiphol ta sali cu mas placa cu nos mes, y na luga di lucha pa Aruba, e minister hoben Cicilia ta keda keto, sucumbi p’e presion y duna Schiphol tur loke nan kier.
Nos por conclui cu e gobierno ta bende of huur nos aeropuerto n’e compania Hulandes, mientras nan ta saca miyones for di nos pueblo.
