ORANJESTAD -Departamento di Salud Publico su seccion di Malesanan Infeccioso ta informa cu debi na e aumento di casonan di COVID e seccion no tin otro opcion cu reduci su servicio regular pa por aloca empleadonan pa yuda den maneho di COVID entre otro cu bron- en contact onderzoek, isolatie en quarantaine y vacunacion.
Esaki ta nifica cu vacunacion regular manera Gele Koorts, Hepatitis b y demas vacuna por wordo suministra unicamente riba un dia specifico pa siman. Pa un cita pa vacuna cu no ta covid por traha cita online via www.dvg.aw.
Pa loke ta e proceso di gezondheidsverklaring (keur) pa DIMAS ta pidi clientenan pa deposita nan peticion den e postbus na nos localidad y nos mes lo tuma contacto cu e cliente.
Corda laga tur datos personal y number di telefon atras den e postbus hunto cu e peticion.
Pa mas pregunta of informacion por yama 5224239 5224241 of mail nos na dbz@dvg.awTa pidi comprension si acaso no atende e telefoon mesora. Por hasi uzo di e email y lo contesta esaki mas pronto posibel.
