Departamento di Asuntonan Economico, Comercio y Industria mediante su unidad di Iniciativa pa Desaroyo pa Empresa Arubano (IDEA) ta organisado un serie di workshopnan tocante: ‘Young Entrepreneurship’.
E workshopnan ta forma parti di e maneho di Ministerio di Finansa, Asunto Economico y Sector Primario pa stimula entrepreneurship.
E serie di workshopnan aki ta altamente interactivo y ta diseña pa hobennan entre 18 y 35 aña, incluyendo hobennan cu ta studia, ta traha, ta desaroyando un negoshi, of cu ta explorando un caminda empresarial.
E workshopnan ta duna hobennan conocemento practico, desaroyo personal, y habilidadnan empresarial cu por sostene nan den nan educacion, carera, negoshi, of trayecto como empresario.
Durante e tres dianan di e workshop ta bay presenta e siguiente topiconan:
1. Inteligencia Artificial (AI) pa Bo Negoshi – Participantenan lo haya un conocemento basico y practico di con nan por uza hermentnan di AI di un manera responsabel den nan negoshi.
2. Creating Business Connections – E workshop lo ta interactivo y ta consisti di dos dia, cu lo trata:
1. Con pa construi relacionnan autentico pa logra un crecemento personal y profesional;
2. Participantenan lo practica comunicacion y lo crea un plan personal cu lo yuda nan
construi relacionnan sostenibel y duradero.
E workshop ta enfoca completamente riba desaroyo personal, relacionnan autentico y networking den e mundo empresarial.
E workshopnan ta completamente GRATIS y lo tuma lugar dianan 30 september,
28 oktober y 4 november binidero, di 9:00 am te cu 12:00 pm na Departamento di Asuntonan Economico, Comercio y Industria, situa den Cas Veneranda na Wilhelminastraat #7, riba e di dos piso.
Esaki ta bo oportunidad pa tuma control di bo futuro y cuminsa un trayecto como entrepreneur exitoso. Si bo tin un idea di negoshi of simplemente kier explora e mundo di entrepreneurship, e workshop aki lo duna bo e conocemento esencial y inspiracion pa cuminsa.
Solamente personanan cu ta desea di participa durante tur e 3 dianan den e workshopnan aki y bo ta entre e edad di 18 y 35 aña, por registra via e siguiente link of e QR-code aki bao, of via nos Facebook: Idea-Aruba
https://www.surveymonkey.com/r/YPRENEUR of
Si acaso mester di mas informacion por yama IDEA na telefon #: 521-2440 // 521-2439
Cupo ta limita, nos ta wardabo!
