Fuentenan anonimo a informa Solo di Pueblo, cu na airport tin dos trahador masculino di security suspendi. E motibo ta basa riba un keho den nan contra di a hasi practica di sexual harassment encontra di un of algun colega femenino.
Sexual harassment ta un delito masha serio, unda ta sea ta hasi cierto movecion no solicita riba otro persona, sea personal o vocal.
Solo di Pueblo a compronde cu den e caso aki lo por ta trata di un hefe grandi den posicion halto.
No ta descarta cu e agresion sexual lo por a tuma lugar sea personal o via telefon o whatsapp.
E dos empleadonan di airport aparentemente ta na cas bao suspencion mientras gerencia ta atende e keho. Si resulta cu tin prueba, esaki lo por desenboca den retiro de imediato.
Airport tin standardnan halto y no ta tolera actuacion di e indole aki.
Di otro banda por compronde cu no ta prome biaha cu tin cosnan inmoral ta sosode. Algun tempo pasa a sosode un caso pero cu a bay den doofpot, pasobra den dicho caso no a suspende ningun persona.
Pa loke ta trata e caso di e dos securitynan, no por descarta cu por tin consequencia y cu retiro lo por cay.
Sexual Harassment na trabao ta prohibi! E no ta normal. Ningun hende homber ni por pasa man, ni insinua, ni hasi jokesnan sexual sin consentimento.
Airport mester tin prueba y suficiente base:
Di otro banda, un otro fuente a asegura SOLO DI PUEBLO cu e acusacion ta falso, sigur contra di un security, cu lo no bay accepta sin mas e alegacionnan aki den su contra. E fuente a bisa nos cu ta hende cu a labora pa hopi aña na airport y nunca a falta ningun hende respect. E clasificacion di “sexual harassment” ta uno totalmente falso cu lo bay rementa den cara di airport, cu ta basa unicamente riba redashi. Es persona perhudica lo bringa su derecho te den e ultimo corte si ta necesario, pasobra ta visto cu ta trata di un heksenjacht cu kier haci. Es mas, segun e fuente anonimo, Airport no por a presenta ni un solo di prueba di “sexual harassment” den un di e casonan aki.
