DEPORTES – Den fin di siman weganan di futbol di La Liga Santander di Spaña a continua y aki ta sigui resultadonan di weganan cu a tuma lugar.
Diabierna Mallorca ta gana Espanyol cu score di 1-0, gol a wordo anota pa Daniel Rodriguez.
Valencia ta gana Deportivo Alavez cu score di 3-0, golnan di Valencia a wordo anota pa Daniel Wass, Carlos Soler y Gonzalo Guedes.
Diasabra weganan a continua unda cu Celta Vigo ta cay venci contra Athletic Club Bilbao cu score di 1-0, gol di Athletic Club Bilbao a wordo anota pa Inaki Williams.
Elche y Sevilla ta empata 1-1, gol di Elche a wordo anota pa Enzo Roco y gol di Sevilla a wordo anota pa En- Nesyri.
Real Sociedad ta gana Levante 1-0, gol di Real Sociedad a wordo anota pa Ander Barrenetxea.
Real Madrid ta gana Real Betis cu score di 1-0 gol di Real Madrid a wordo anota pa Dani Carvajal.
Den proximo edición lo tin resultadonan di weganan cu falta.
