Soft launch ‘Kibrahacha’ na islanan ABC

0
37

Djárason i djaweps último, ‘Kibrahacha’, e asosiashon pa formashon di futuro dosentenan, a inisiá un ‘soft launch’. Lidernan eskolar i instruktornan di Kòrsou, Aruba i Boneiru a partisipá den e promé seshonnan. A finalisá e seshon ku un seremonia digital chikí pa e sosionan di ‘Kibrahacha’.

Serka ‘Kibrahacha’, institutonan di formashon i direktivanan di skol ta konhuntamente responsabel pa eduká futuro dosentenan. Desde awor, gran parti di e estudio lo tuma lugá na skolnan di formashon, kaminda studiantenan lo para dilanti klas pa haña konosementu di práktika i eksperensia. Awor ofisialmente tin nuebe skol di formashon na e islanan ABC. Einan, studiantenan por sigui gran parti di nan edukashon pa bira dosente. Na Aruba e skolnan ta Colegio Cristo Rey, Mon Plaisir school i Prinses Amalia Basisschool. Na Kòrsou tin un total di sinku skol, kual ta inkluí dr. Albert Schweitzer School. Además, St. Antonius College i Kolegio Santa Famia huntu ta forma un skol di formashon, meskos ku Römerschool i Prinses Margriet School. Na Boneiru tin tres skol di formashon: Basisschool De Pelikaan, Kolegio Kristu Bon Wardador i Skol Amplio Papa Cornes.

Na kada skol di formashon tin instruktornan apuntá. Nan ta risibí un formashon spesial pa esakí huntu ku e instruktornan di e estudio di formashon di dosente. Asina ta realisá un koperashon estrecho. Huntu nan ta prepará e studiantenan (di un manera) optimal pa nan futuro komo dosente karibense di siglo 21: un dosente ku tin abilidatnan di siglo 21 i ku tin konosementu di e kultura riku karibense. Pa duna forma na e koperashon entre e institutonan di formashon i e direktivanan di skol na e tres islanan, a lanta e asosiashon ‘Kibrahacha’. Den esaki diferente direktiva di skol di e islanan ABC ta representá. E institutonan di edukashon University of Curaçao, Instituto Pedagogico Arubano, University of Aruba i University of St. Martin tambe ta forma parti di e asosiashon.

‘Kibrahacha’ ta un di e palabrashonnan di e Konsulta di Kuater Pais (Vierlandenoverleg); e konsulta di e ministernan di Edukashon di Kòrsou, Aruba, Sint Maarten i Hulanda. Na febrüari di 2019 e ministernan di Kòrsou, Aruba, Sint Maarten i Hulanda a firma un protokòl di koperashon pa reforsá edukashon di dosentenan den e parti karibense di Reino. Ministerio di Enseñansa, Kultura i Siensia (OCW) pa e aña eskolar 2020-2021, a pone un supsidio disponibel di sigur 380.000 dòler pa mehorá edukashon di dosentenan na e islanan ABC.

Nota pa redakshon: Mas informashon tokante ‘Samen Opleiden’ por mira den e video-graphic aki. Pa mas informashon, por tuma kontakto ku Communicatie SSO-CN, Lucia Beck (781-9050) òf Jericette Moniz (715-9163).

Potrèt 1 d.r.p.d: Cynthia Pourier (edukador eskolar Skol Amplio Papa Cornes), Carin Evertsz (edukador eskolar Kolegio Kristu Bon Wardador), Lientje Janga (edukador di instituto LoFo Bonaire), Rosemarijn de Jong (Kordinadó insular di instituto di formashon), Patricia Angela (Kordinadó insular di área di trabou). Abou: Linda Maas (edukador di instituto LoFo Bonaire).

LEAVE A REPLY

Please enter your comment!
Please enter your name here