HOFA ta pa pone Aruba igual na Curaçao y Sint Maarten
Segun un declaracion publico cu a sali dia 26 di Mei 2026 riba EA NEWS, Staatssecretaris Eric van der Burg a splica cu e motibo principal di HOFA ta pa pone Aruba igual na Curaçao y Sint Maarten den structura di Reino Hulandes.
Segun Van der Burg, actualmente Curaçao y Sint Maarten tin un Rijkswet financiero cu Aruba no tin. El a splica cu esaki ta resultado di e cambionan constitucional cu a tuma luga riba 10 di October 2010.
Na e fecha ey, Curaçao y Sint Maarten a bira paisnan autonomo den Reino Hulandes. Segun e Staatssecretaris, na e momento ey Hulanda a regla supervision financiero pa e dos paisnan via un Rijkswet. Aruba no a wordo inclui den e sistema ey, pasobra Aruba a haya su Status Aparte hopi promé, na 1986.
Den su declaracion, Van der Burg a bisa:
“Alleen doordat Aruba voor 10-10-10 status aparte had en in 10-10-10 geen nieuw land werd. Curaçao en Sint Maarten werden dat voor het eerst. Daarom hebben we toen dat geregeld voor Curaçao en Sint Maarten, maar niet voor Aruba.”
Segun e Staatssecretaris, cu HOFA Hulanda kier corrigi e diferencia ey pa Aruba tambe cay bao di e mesun tipo di regla cu Curaçao y Sint Maarten.
El a declara tambe:
“Feitelijk regelen we met deze HOFA … trekken we Aruba gelijk aan Curaçao en Sint Maarten.”
Van der Burg a enfatisa cu pa Hulanda, e cuatro paisnan den Reino mester wordo trata na un manera igual. Segun su palabra:
“Omdat wij vier landen op een gelijke manier in het Koninkrijk zetten. Aruba, Curaçao en Sint-Maarten zijn voor ons Nederland gelijk. Alle drie zusters in het Koninkrijk.”
Den poco palabra, segun e splicacion di e Staatssecretaris, HOFA ta un mecanismo pa Aruba haya e mesun structura di control financiero for di Den Haag cu ya ta existi pa Curaçao y Sint Maarten desde 2010.
Nota di redaccion: Por tuma nota cu Eric van der Burg no conoce Aruba ni sa su historia. Ora e papia di igualdad, y pesey mester Aruba mester haya rijkswet, e ta salta partinan importante di historia. Dia cu Aruba a sali for di Antiyas na 1986, Aruba no a haya kwijtschelding di debe. Curacao cu Sint Maarten si a haya. Awor con por papia di gelijkstelling? Sin Kwijtschelding pa Aruba?
