BENNY NISBET (PPA)
‘’STATUUT PA REINO HULANDES TA PAPIA DI ‘COOPERACION, AYUDO Y SOSTEN’ NO DI ABUSO, CONDICION MENOS DI REGRESO NA WEST INDISCHE COMPAGNIE!!’
Ultimo lunanan e.o. pais Aruba parti di Reino Hulandes ta den crisis a consecuencia di tanto mal gobernacion, Mega debe sigi pa Covid 19. Ta un hecho cu durante e crisisnan menciona e diferente gobierno di Aruba no a actua debidamente.
Aruba a hanja su mes lomba contra muraya di Hulanda a consecuencia di varios ‘eror historico’ di tanto gabinete Mike Eman(AVP) como gabinete Evelyna Wever Croes cu awe Aruba parce ta lomba contra muraya sin sa ki direccion pa tuma!
Dos MEGA Rijkswet Hulanda kier pusha den stoma di gabinete Wever Croes su curpa pa kita ainda mas di nos status aparte/autonomia. Esaki ta demonstra cu Gobierno Hulandes NO tin confianza den gabinete Evelina Wever Croes tampoco!
EROR HISTORICO BOW DI AVPA !!
Bow di gab Mike Eman(AVP) e sigiente eror a wordo hasi:
- A crea un Mega debe di otro mundo pa un pais chikito manera Aruba.
- A cay pa pression Hulandes cu kier a introduci un Rijkswet pero cu a wordo cambia pa un ley nacional esta un LAFT a consecuencia di cual un CAFT a functiona for di Corsow y a controla Aruba desde 2016.
- E palabracion cu gobierno di Reino tabata cu e LAFT lo a keda entodo caso pa un periodo di 3 anja!
*** Ta bon pa anota cu e oposicion di e tempo ey partido MEP a organisa un marcha di protesta contra e introduccion di e LAFT pasobra bow di liderato di sra Evelina Wever Croes a wordo considera como un traicion contra e Status Aparte cu a wordo logra bow di liderato di sr Betico Croes qepd!
EROR HISTORICO BOW DI MEP!!
Na 2017 Aruba a manda gab. Mike Eman pa bankinan di oposicion y un gobierno nobo a worde forma pa MEPORED cu a bira gabinete Evelina Wever Croes.
Durante anja 2018 Staten di Aruba den cual tin un majoria di MEPORED a dicidi di pasa ‘amandementnan’ den e ley di LAFT kitando e ‘controle’ for di gobierno di Reino y pasele pa parlamento di Aruba.
Mientras tanto gobierno di Reino a forza gabinete Wever Croes pa nan firma un protocol fecha 22 di november 2018 den cual a palabra cu mientras Staten kier a bay pa Nort e protocol tabata bay pa zuid.
Esaki a bira un ‘eror historico’ pasobra den e protocol a palabra cu lo continua cu e Ley di LAFT cu lo a caduca 31 di December 2018. Esaki ta nifica cu e propio x Lider di oposicion di MEP cu a guia e marcha cu a conduci na kiebra di parlamento y hasta candela pafor pasobra segun su persona cu e ley di LAFT lo ta un ‘traicion’ contra nos Status Aparte a dicidi di prolonga e ‘traicion’ aki pa medio di e protocol firma!
Mientras tanto Gobierno di Reino a gana e confrontacion cu Staten di Aruba door di a hanja gab Wever Croes asina leeuw pa laga su propio coalicion den Staten cay cu na su turno a tuma esaki den un silencia notable. Algo cu normalmente lo a causa un caida di gobierno (6 juni 2019).
Mientras tanto anja 2019 a pasa unda CAFT ‘sin base legal’ tabata usa un Ley di LAFT cu a caduca legalmente fecha 31 di December 2019 pa controla gobierno di pais Aruba su maneho financiero economico.
COVID 19 TA BATI NA PORTA !
Mientras tanto anja 2020 a habri y mundo a wordo confronta cu un pandemia di Covid 19 cu a affecta tanto salud public como economia di Aruba.
PPA for di oposicion pafor di parlamento a mustra cu Aruba lo mester hasi uso di nos Statuut pa Reino Hulandes capitulo 3, articulo 36 etc pa pidi sosten financiero economico Hulandes durante e pandemia aki!
Notable tabata cu gab Evelyna Wever Croes tabata na punto di pidi e sosten financiero economico aki basa riba e protocol di november 2018 y e LAFT caduca algo cu PPA a senjala lo a perjudica Aruba seriamente.
PPA por a tuma nota cu Ministro Presidente EvelIna Wever Croes a declara algun vez cu ta Hulanda a conseha nan pa manda nan peticion basa riba e protocol di november 2018 y e LAFT caduca.
E declaracion di PPA a conduci cu gobierno a pensa nan mes un rato mas y a dicidi di pidi ajudo hulandes basa riba ambos esta tanto e protocol di november 2018 y e LAFT caduca ( ja kaba tabata un eror historico!) y nos Statuut pa Reino Hulandes cu ta pone e fundeshi pa ‘Cooperacion, ajudo y asistencia!) entre partners den Reino.
Otro eror historico !!
Mientras tanto durante di e ajudo di e prome y di dos tranche gobierno di Reino a cuminsa pone ‘condicion’ pa nan ajudo na e paisnan den Reino cu NO ta cuadra cu e espirito di nos Statuut pa Reino Hulandes.
Pero esaki tabata cuadra mas cu e ‘espirito di e protocol 2018 y e ley di LAFT caduca cu a inicia bow di AVP y a continua cu bendicion di Min Pres Evelyna Wever Croes cu ta ensera un proceso cu E mes a cualifica den pasado recien como un ‘traicion’ contra di nos Status Aparte cu e pueblo a logra bow liderato sr Gilberto Francois ‘Betico’ Croes qepd.
E di tres Tranche di fondo a wordo anuncia cu mas condicion ainda…..DOS LEY DI REINO (Rijkswet) y 18 condicion cu gobierno lo mester accepta den nomber di Aruba.
- Gobierno di Reino kier pone Aruba cay tambe bow di e ‘RIjkswet RFT’! ( cu Corsow y St. Maarten a hanja na 10-10-2010 ora cu nan debenan a wordo paga door di Hulanda).
- Entroduccion di un entidad cu lo controla ‘inversion’ den e paisnan y sigur no mester worde compara cu e FDA cu Aruba a conoce den pasado. E entidad CHE lo bay controla y hasta ‘dicta’ riba gobernacion Arubano anto pa un miserable suma di 200 miljon actual cu lo por crece pa 500 miljon pa fin di anja. E ley di Reino pa medio di CHE…..lo por mishi riba tereno di Justicia, Reformacion economico, Ensenansa, Infrastructura y cuido. Esaki ta demonstra un falta di confianza enorme den Gab Wever Croes di parti di Hulanda apesar cu Hulanda ta practica e expression ‘Luister naar mijn woorden maar kijk niet naar mijn daded’.
Derrepiente despues di a gobierno Aruba nan so y a comete tantismo ‘eror historico’ nos flamante Min Pres Evelyna Wever Croes a dicidi cu e mester tuma conseho di e gremio y partido politico algo cu e mester a hasi hopi prome kaba pero a laga para te na momento cu E a sinti su mes totalmente lomba contra muraya pa hulanda.
VIAJE PA HULANDA…..’JA, MITS Y MAS DRAAGVLAK’ ?
Despues di e reuni cu gremio/sindicato/ fraccionan den parlamento y Lidernan politico sra Min Pres Evelina Wever Croes a subi avion di KLM pa bay Hulanda sin cu a informa tur e gremio/partido politico cu e tabata bayendo.
E viaha entodo caso pa confronta Gobierno di Reino tabata un bon decision sinembargo di locual a worde publica den prensa hulandes y di declaracionan di ‘staatssecretaris Knops’ Min Pres lamentablemente NO a logra net nada na Hulanda !…….segun prensa hulandes E lo a informa gobierno di Reino ‘Ja, mits’
y cu E ta bay Aruba bek pa busca ‘mas draagvlak’…algo cu a lanta hopi pregunta cerca hopi cu ta analisa mas profundo.
Si Aruba lo a rechaza e DOS condicionan principal esta e Rijkswet RFT y e 18 condicion anto pakiko lo mester di ‘mas draagvlak’?? Esaki ta nifica cu Min Pres Evelina Wever Croes lo a priminti Gobierno di Hulanda cu E lo bay di acuerdo cu nan pakete pero duna mas tempo pa busca mas ‘draagvlak’.
NEGOSIACION CU HULANDA ??????
Mientras tanto bek na Aruba Min Pres Evelyna Wever Croes a anuncia cu pa diaranzon siman pasa lo e mester a manda un contesta pa Hulanda……..Tambe lo e a declara cu nan ta negociando cu Hulanda ……algo cu na Hulanda den ‘Haagse Kringen’ ta wordo seriamente cuestiona cu esaki realmente lo ta e caso.
Ultimo a tende cu Aruba pa medio di nos Min Pres lo a manda un ‘counter proposal’ pero ningun di e gruponan cu cual a reuni No ta na altura di e eventual contenido. n
Tambe por a tuma nota di un esfuerzo di Min Pres pa compara e Entidad nobo cu Hulanda kier impone cu e FDA den pasado algo cu simpelmente No ta di compara.
No kabe duda cu Aruba ta den un problema hopi grandi ……y cu Aruba ta lomba contra muraya pero NO a consecuencia di e Mega debe y COVID 19….PERO a consecuencia di un racha di ‘eror historico’ di parti di gab Wever Croes sosteni pa MEPORED.
E pregunta ta: Si otro ‘eror historico’ lo wordo tuma atrobe ??
STATUUT PA REINO HULANDES CAPITULO 3, ARTICULO 36!!
Statuut pa Reino Hulandes capitulo 3, articulo 36 tin un historia cu e tey den nos Statuut! E tey pa obliga e partnernan den Reino pa juda otro ora cu un of mas hanja nan den crisis serio. E espirito di Statuut NO ta duna espacio pa condicionan manera Gobierno di Reino ta forza riba Aruba, Corsow y St. Maarten.
Y si e paisnan aki nenga e condicionan di gobierino di Reino ………PPA NO ta kere cu Gobierno di Reino lo nenga di juda nan. No kabe duda cu e politiconan hulandes di awe ta ‘zuur’ pasobra nan a hereda un Statuut cu ta basa riba un historia di colonisacion y esclavitud. Statuut tabata e ‘stepping stone’ basa riba pression di pais y instancia Internacional manera Nacionan Uni pa duna e paisnan cu a wordo colonisa espacio pa goberna nan mes dunando nan e derecho di autodeterminacion y e espacio pa goberna nan mes.
Mientras cu articulo 43 lid 2 ta duna Gobierno di Reino e ‘waarborgfunctie’ limita pa intermedia ora ta necesario…..articulo 36 ta pone un deber riba tur partner den Reino pa juda otro ora bira necesario ……’cooperacion, ajudo y sosten’ esaki bow di ningun forma ta duna Gobierno di Reino(lees Hulanda) pa forza e paisnan ‘meimei’ di un crisis pa accepta cambio den nan structura (Status Aparte) como un set di condicion.
Pa PPA esaki ta inacceptabel y nos ta lamenta cu nos gobierno di MEPORED y nos Ministro Presidente Evelina Wever Croes no ta duna indicacion firme unda E ta para mientras Hulanda ta para cu e demanda asina.
PPA ta lamenta esaki y ta bisa un vez mas despues di un racha di ‘eror historico’ nos no ta mira un maneho firme di parti di nos actual gobierno ainda!!
PPA kier ta cla tambe…..mirando cu AVP a goberna nos pais pa 8 anja y cu a laga nos cu un herencia di un MEGA DEBE…..nos a y ta sostene gab Wever Croes pa goberna nos pais pa e periodo di 4 anja completo.
Sin embargo PPA lo critica for di bankinan di oposicion pafor di parlamento ora nos nota ‘erornan historico’ y menos bon gobernacion di e gobierno di MEPORED tambe….esun cu no gusta keda sin gusta pero PPA lo sirbi nos pais segun nos di PPA sinti cu e situacion ta demanda.
Finalmente Statuut di Reino ta papia den articulo 36 di Cooperacion, ajudo y sosten’ ningun momento di abuso, condicion y hasta e sentimento di ta bek na un West Indische Companjie……. HET KAN ANDERS MET RESPECT VOOR ARUBA EN DE ANDERE LANDEN BINNEN HET KONINKRIJK!! STEUNEND OP EIGEN KRACHT DOCH MET DE WIL ELKANDER BIJ TE STAAN!
Conclucion di PPA!
!. Mientras cu Min Pres Evelina Wever Croes a informa pueblo cu e DOS RIJKSWET hulandes tabata un sorpresa desagrabel pe……a resulta cu Min Pres tabata na altura desde mei ultimo cu esaki tabata na caminda pero E no a informa ningun gremio ni partidonan politico te ora cu e tabata lomba contra muraya.
2……E DOS RIJKSWET/ley di Reino ta indica claramente cu Hulanda No tin e minimo confianza mas den gabinete Evelina Wever Croes ….apesar cu staatssecretaris Knops lo hasi expressionan ta tene Min Pres contento por lo pronto te ora E logra hana Aruba unda E kier e…..casi estilo di un colonia, 100 anja atras !!3
3.No por compara e Entidad nobo cu FDA di pasado pasobra FDA jamas por a tuma over cierto podernan den Justitie, Reformacion Economico, Ensenansa, infrastructura y Cuido…(lesa prensa Hulandes etc!).
4. Entrego di nos Status Aparte/autonomia ainda mas ta dilanti porta ….miho esnan cu ta kere den esaki sea ALERTA e dianan aki.
5. PPA ta di opinion cu Statuut ta oblga gobierno Hulandes pa juda y cu esaki lo cumpli debidamente pa esaki pasobra Hulanda no por permiti e islanan den Caribe incluso Aruba pa ‘krepeer’ y hulanda no por permiti pa for di su colega paisnan den Reino sali delegacionan rumbo diferente instancia Internacional!!
Te aki por lo pronto di parti di partido PPA!!
Aruba, 19 di juli 2020 Secretario General di PPA
BENNY NISBET
